سائق أنقذ فتاة من الغرق بالدقهلية: مفكرتش ونزلت وراها والناس شجعتني
التقى القاهرة 24، الشاب الذي أنقذ فتاة من الغرق أعلى كوبري طلخا في محافظة الدقهلية، والذي تصادف مروره في أثناء الواقعة، حيث يعمل على خط الجامعة - طلخا.
وقال بدر السمنودي، سائق ميكروباص خلال بث مباشر لـ القاهرة 24: أنا بعمل سائق ميكروباص خط الجامعة - طلخا، وفي أثناء سيري على كوبري طلخا، سمعت أصوات استغاثة فرأيت شخص في النيل، دون تفكير قفزت في النيل واكتشفت أنها فتاة في سن المراهقة وأنقذتها، وكان هناك صعوبة في أثناء خروجها لأن المسافة كانت بعيدة جدًا ولكن ربنا قدرني وأنقذتها.
وأضاف سائق الميكروباص: أنا الناس ساعدتني بتشجيعهم ليا حتى الركاب اللي كانت معايا نزلت وبدأت تساعدني، ولما خرجنا من النيل جميع الوقفين قالولي أنت بطل، وكانت سيارة الإسعاف وقوات الأمن في انتظارنا، وانتهيت من جميع الإجراءات، وأسرة الفتاة قالو لي ده دين هيفضل في رقبتنا.
وتابع: أنا فضلت تعبان لمدة يومين بسب المجهود، ولما روحت للأهالي لقيت تشجيع من الأهالي وقالوا لي، متوقعين منك أكتر من كده، أنا بحب السباحة ولكن فقدت كل متعلقاتي، ولكن الحمد الله الناس ساعدتني وطلعت بدل فاقد.
واختتم بدر السمنودي، سائق الميكروباص الذي أنقذ الفتاة، قائلًا: أنا بنصح كل الشاب لو شوفت موقف زي ده ساعد ومتفكرش لأن أكيد ربنا هيكرمك وربنا وصانا على بعض وبزعل لما أشوف الناس مش بتخاف على بعض.
