عمر كمال: أي مهرجان فيه ألفاظ مش كويسة يتمنع.. والجمهور: إنت كان حد يعرفك قبلها؟
تعرض الفنان عمر كمال، لهجوم حاد، خلال الساعات القليلة الماضية؛ وذلك بعد تصريحاته مع الإعلامي عمرو أديب، في برنامج الحكاية، حيث أثار حالة كبيرة من الجدل؛ بعد حديثه عن أغاني المهرجانات، وتصريحه بأن بعض كلماتها تؤذيه نفسيا، ولا يصح أن تسمعها الأسر المصرية.
وكتب عمر كمال، منشورًا، عبر حسابه الشخصي بموقع التواصل الاجتماعي فيسبوك، يرد من خلاله على هذا الهجوم، ويوضح فيه قصده من حديثه مع عمرو أديب، حيث قال: مهاجمتش أصحابي خالص، بالعكس، قلت أنا مع إن أي كلام خارج يتمنع، أي مهرجان فيه ألفاظ مش كويسة؛ يتمنع.
تصريحات عمر كمال
وتابع عمر كمال: ويا ريت نقنن المهرجانات، أنا غِلطت في أول حياتي، قُلت جملة في أغنية بنت الجيران، واتحاسبت عليها، قعدت 9 شهور في البيت، وبعدها اتعلمت من غلطي، قلت زي ما الراب ليه شُعبة، نعمل للمهرجان شُعبة، طالما مفيش كلام خارج، لكن ماهاجمتش حد.
وأضاف عمر كمال: أي حد بيغني مهرجانات؛ إخواتي، وكلت معاهم عيش وملح، وضافوا ليا، ومن غيرهم ماكنتش نجحت.
وجاءت التعليقات على المنشور كالتالي: إنت يا عمر كان حد يعرفك قبل المهرجان، سيبك بس، إنت فلت، جبت ورا، وأشرب خمور وحشيش دي مين اللي مغنيها، على أساس حضرتك إمام مسجد، طبلة يا طبلة، دلوقتي بنت الجيران بقت غلط، أمال كنت بتقول بنت الجيران متجيش تاريخ سعد الصغير ليه؟.
عمر كمال يتعرض لهجوم بسبب تصريحاته
وأيضًا جاءت التعليقات كالتالي: بالنسبة لكل فيديو كليب حضرتك تجيبلنا رقاصة تقوم بالواجب وزيادة، بيبقى شكلك حلو؟، آخرتك قربت يا برنس، كباريه بالليل وعمرة الصبح، بالإضافة إلى غيرها من التعليقات التي تهاجم عمر كمال بشكل كبير.
