معاناة المواطنين بسب الزحام المروري بالدقهلية: بنقف بالساعتين علشان نروح
تشهد مدينة المنصورة في محافظة الدقهلية، يوميًا زحام مروري شديد وخاصة منطقة المشاية وشارع چيهان وذلك لوجود الكليات والمراكز الطبية.
وقال بعض المواطنين خلال تصريحات خاصة للقاهرة 24 " يوميًا بنقف لمدة طويلة أحيانا ً بتوصل لمدة ساعتين علشان نعرف نركب سرفيس يوصلنا والسواقين بيتسغلوا الوقفة وبدل ما يأخده أجره 2 جنيه بياخده 3 جنيه ومش بيوصلنا لنهاية الخط، والصبح بنتأخر علي شغلنا بس الزحمة، والتاكسيات غالية جدًا مش هنقدر كل يوم نركبها".
وأضافت مني أحد المواطنين " أنا والدتي مريضة وبتجي كل أسبوع للمستشفى ومشوار المستشفى بنسبالنا عذاب بسب الزحمة وأحيانًا بنتاخر ونروح ونرجع تاني والزحمة بتكون شديدة خاصة أيام الدراسة ووقت الظهرية ".
وختم شوقي سائق ميكروباص " سبب الزحمة هو وجود المستشفيات والجامعات في منطقة واحدة وتقريبًا بيخرجوا في نفس التوقيت، وأيضًا السيارات الملاكي الركنة أمام المحلات، وفي بعض السواقين مش بتحب تشتغل في الزحمة فبتكون العربيات الناقلة للناس قليلة بالنسبة لعددهم".
وحاولوا المسوؤلين في محافظة الدقهلية حل الأزمة المرورية، وكان المشروع الأول في محاولة لحل الأزمة، وهو توفير الأتوبيس النهري للمواطنين في المنصورة، وحدد قيمة أجرة نقل الفرد الواحد هي 5 جنيهات.
والمشروع الثاني هو مشروع النقل الجماعي، والمرحلة الأولى تبدأ بـ88 باص جميعها مجهزة بأحدث وسائل التكنولوجيا ويسع كل منها 32 راكبا.
وتقرر أن تكون الأجرة موحدة بواقع 3 جنيهات داخل مدينة المنصورة.
وبرغم كل هذه المشروعات لازالت أزمة المرور معاناة بنسبة لجميع مواطنين الدقهلية.
