وفاة الإعلامية أسماء مصطفى بعد صراع مع مرض السرطان
أعلن النائب أيمن أبو العلا، عضو مجلس النواب، وفاة زوجته الإعلامية أسماء مصطفى بعد صراع طويل مع مرض السرطان.
وقال النائب أيمن أبو العلا، عضو مجلس النواب، في منشور له على صفحته على موقع التواصل الاجتماعي فيسبوك: انكسر ظهري وفطر قلبي ولن أقول إلا ما يرضي الله.. إنا لله وإنا إليه راجعون.
في أبريل الماضي، أعلنت الإعلامية أسماء مصطفى، إصابتها بمرض السرطان، عبر منشور لها على صفحتها بموقع التواصل الاجتماعي فيسبوك، قائلة: أنا حالي حال ناس غيري كتير بيمروا بمعركة مع المرض اللعين، الاسم صعب معلش، وأنا منهم باحاول وباكافح، وربنا كريم، صحيح المشوار لسه طويل والشفا بإيدين ربنا وحده، وما علينا غير إننا ناخد بالأسباب ونرضى بقضاء الله ونسأله اللطف فيه مش عايزة حد يزعل، أنا بس محتاجة الدعاء لأني مؤمنة، لأنه بيغير القدر أنا قطعت مسافة كويسة في رحلة العلاج الحمد لله، ولسه في خطوات تانية ربنا يسهل، في انتظار تحديد ميعاد العملية، عشان كده عدم ظهوري هيطول، رجاء تاني ماحدش يتضايق، فضلًا الدعاء.
وقبل تدهور حالتها الصحية، أردفت في منشور آخر لها: ماعرفش ليه بجد الإنسان لما بيجرب إنه قرّب من الموت وربنا بينجيه ويقف معاه، كل شوية يقرب ويبعد.. الدنيا في نظره بتصغر، وبيحس إنه كان بيدي أمور مالهاش لازمة مساحة فى حياته، وبيحتفظ في قلبه بعيلته وأهله والناس الحلوة الطيبة اللي حواليه، دول بس اللي بيفضل فاكرهم.. حتى لو حد كان مزعله أو فيه موقف وجت السيرة بالصدفة حقيقي باكون مش فاكره أساسًا، بافكّر في ناس تانية خالص، سبحان الله، فعلًا مش دايم غير المعروف والمحبة والسيرة الطيبة.
