حجيبلك ميه زمزم.. بسمة وهبة تنعى الإعلامية أسماء مصطفى وتكشف تفاصيل آخر اتصال
نعت الإعلامية بسمة وهبة، الإعلامية أسماء مصطفى التي وافتها المنية صباح اليوم الاثنين، بكلمات مؤثرة، بعد معاناتها مع مرض السرطان.
وقالت بسمة وهبة خلال برنامجها 90 دقيقة المذاع على شاشة قناة المحور: ربنا يصبر حبايبنا ويصبرنا، كانت نموذجا للنشاط والهمة وكان عندها إخلاص غير عادي في شغلها ومركزة على ملفين في منتهى الخطورة والأهمية، الأطفال والملف الاجتماعي.. مفيش اثنين اختلفوا عليها، وكانت جدعة وبشوشة ومش بتتأخر عن مساعدة اللي حواليها بشكل شخصي أو من خلال برنامجها".
وكشفت بسمة وهبة عن آخر حديث جمعها بالإعلامية الراحلة، وكان ذلك منذ 3 أسابيع: مضيفةً: أرسلت لي رسالة على انستجرام لأني غيرت رقم هاتفي، قالت لي أنا محتاجة القوة منك والتانية بتقولي ادعي لي وكلمتها قلت لها يا أسماء ده رقمي الجديد، وكانت في البيت لسه عاملة عملية وقعدت أديها شحنة قوة وكان زملائي حولي في الاستديو، قلت لها أول ما تضعفي بصي في عيون ولادك وقولي هنتصر عشانهم ووصتني إني لو رحت الحرم أدعي لها ربنا يشفيها".
وواصلت وهبة: “أسماء كانت متماسكة وعندها أمل كبير، وطلبت مني مياه زمزم، ومنذ 3 أيام قررت إني أرتب لسفري عشان أشوف أولادي في السعودية وكنت هعمل عمرة، أنا هروح أعمل عمرة بس مش هدعي لك تقومي بالسلامة، هدعي لك في الحرم إن ربنا يرحمك، شيء صعب جدا. كنا متوقعين إن ربنا مش هيسترد دلوقتي.. مش هدعي لك بس، أنا هعملك عمرة وهجيب لك مياه زمزم وهزورك في قبرك”.
وأشارت بسمة وهبة إلى أن الإعلامية أسماء مصطفى أخبرتها بخطأ طبي كبير وقعت فيه دون قصد: “قالت كانت بتعمل حاجة غلط، كان عندها مشكلات في معدتها، كانت بتاخد كمية مسكنات مش طبيعية، وهذا أمر خطير جدا".
