ريم عبد القادر: مش باخد فلوس من أعمالي ونفسي أوصل للعالمية
قالت الطفلة ريم عبد القادر، إن جميع أعمالها الفنية التي شاركت فيها، لم تأخذ أجرها ولكن والديها هم من يتصرفون في نقطة الماديات، معربة عن أملها في الوصول للعالمية في التمثيل.
وأوضحت ريم عبد القادر خلال مداخلة هاتفية مع الإعلامي سيد علي في برنامج حضرة المواطن المذاع عبر قناة الحدث اليوم: أنا محدش بيكلمني عشان أنا لسة صغيرة، بابا وماما كإنهم مديرين أعمالي، هما اللي علطول بيتصرفوا.
وأضافت ريم عن أجرها: الفلوس مش أنا اللي باخدها، مش هعمل بيها حاجة، ولو عايزة حاجة هقول لماما وبابا مش هشتريها بفلوسي.. وماما وأختي بيبقوا معايا عادة في الأستوديو.
وعبر سيد علي عن إعجابه بموهبة ريم عبد القادر التمثيلية قائلا: إحنا فرحانين بيكي قوي وانتي زي بنتنا وواحدة من الأسرة، وإن شاء الله أنا بقول انتي في يوم من الأيام يا حبيبتي وافتكري الكلام ده بإحساسك هتبقي سيدة الشاشة العربية، لترد ريم عبد القادر: أتمنى الوصول للعالمية في التمثيل.
تفاصيل حكاية مريم
وتقوم ريم عبد القادر ببطولة حكاية مريم من مسلسل زي القمر، وتجسد شخصية طفلة في إحدى دور رعاية الأيتام، وترصد الحكاية أصعب الموقف التي يتعرض لها هؤلاء الأطفال، كما تكشف نظرة المجتمع لهؤلاء الأطفال.
ويشارك في حكاية مريم، عدد من نجوم الفن أبرزهم الفنانة عفاف شعيب، سلوى عثمان، الطفلة ريم عبد القادر، رشا المهدي، إسلام حافظ، وهي من تأليف أحمد أنور، أحمد عبد الجواد، ومن إخراج معتز حسام.
