شريف منير: أنا بحب ويجز وصلاح جاهين لو كان عايش كان هيحبه
علق الفنان شريف منير على موسيقى الاندر جراوند والمهرجانات، قائلًا: بالمناسبة أنا بحب ويجز لأنه شاطر ومجتهد وبيقول كلام كويس ومش وحش.
وردًا على سؤال الإعلامية لميس الحديدي حول التناقض بين كونه معايش لصلاح جاهين ثم الانتقال لويجز، قال: أعتقد لو كان الأستاذ صلاح جاهين عايش كان هيحب ويجز..لأن الموضوع اللي شغال دلوقتي فيه لبس ولخبطة ومحدش محددها.
أشار منير إلى أن الفنان هاني شاكر ليس بوسعه منع موسيقى بعينها، قائلًا: ماينفعش يمنع موسيقى ولو حد عنده طاقة غنائية كويسة وبيعرف يغني وحتى لو صوته أجش زي IAM STRONH، وكان فيه ممدوح قاسم في فرقة المصريين عندهم أصوات وحشة بس خامات صوتهم كويسة.
وواصل: اعتقد أن خامة الصوت نوع الموسيقى مش هينفع تتغير وأعتقد أن هاني شاكر مش بيتكلم عن الموسيقى أو الصوت لكن على الكلام.
أكمل: اللي يعرف يغني يغني بالعكس مغني المهرجات والشعبي ليه شعبية كبيرة ممكن من خلال أغانيه يغير جيل لكن الكلمات البذيئة غلط وماتنفعش.. الفن كله منفذ على بعضه لو سمعنا سيموفنية ممكن حد مايتقبلهاش لو مابيحبش فن الأوبرا والمسالة أذواق.
وشدد على أنه ضد المنع في فئة الأغاني التي تنتقي كلماتها، قائلًا: أنا ضد منع المغنيين اللي بيغنوا كويس لكن مع منع الكلام الخارج اللي يبوظ جيل بمفرداته الوحشة.
