علي الألفي يُعلن تعافيه من الاكتئاب بعد معاناة 5 سنين: حياتي كانت بتنهار
أعلن الفنان علي الألفي تعافيه من الاكتئاب التي تعرض له الفترة الماضية، حيث أشار أنه توقف عن تناول أدوية الاكتئاب، بعد أن تم تشخيصه منذ خمس سنوات بالاكتئاب، واضطرابات القلق، واصفًا ذلك بأنه انتصار صغير يود الاحتفال به.
وكتب علي الألفي منشورًا، عبر صفحته الشخصية بموقع التواصل الاجتماعي فيس بوك، قائلًا: مساء الفل.. عندي انتصار صغير حابب احتفل بيه.. ممكن ؟؟، في الواقع أنا من خمس سنين تم تشخيصي بالاكتئاب، واضطرابات القلق، وشوية حاجات تانية، وفي معركة مستمرة حقيقي شرسة، تحت إشراف طبيبي النفسي اللي حقيقي أنا ممتن لكل مجهوده معايا.
الفنان علي الألفي
وتابع علي الألفي: على مدار السنة دي، حياتي حقيقي كانت بتنهار خطوة ورا التانية.. فقدان أصدقاء، ماتوا لأسباب مختلفة، فقدان حب كنت مراهن نفسي إنها قصة العمر كله، تجهيز بيت وعزال وشهور من ابتزاز الصنايعية، وأخيرًا.. فقداني لشغلي الصباحي، أصبح ضروري بشكل حتمي التعامل مع الأدوية والمهدئات، لفترة مش قليلة.
حالة علي الألفي
وأضاف علي الألفي: النهاردة بحتفل معاكم أني وقفت الأدوية، وشايفها انتصار، ممكن نرجع وممكن لا، بس على الأقل بشكر ربنا، وبشكر نفسي، بشكر القلوب الطيبة اللي كانت نحوا، صحبة وونس كل واحد فيهم شايل كتير الحمد لله.
