حمو بيكا: ليه عايزين تحطوني في حتة أم كلثوم.. وأنا مش إسرائيلي
قال حمو بيكا، إنه قدّم جميع أوراقه لنقابة المهن الموسيقية، معبرا عن استيائه من قرار منعه من الغناء من قبل النقابة هو وعدد من مطربي المهرجانات.
وقال بيكا في لايف عبر حسابه الشخصي بموقع الصور والفيديوهات القصيرة انستجرام: اللي عمل غلط يحاسب عليه، الورق قدمته كله مكمل، الورق كله سليم بتاعي، دخلت لقيت حضراتكم طالبين مني أغني لأم كلثوم وعبد الحليم.
وتابع حمو بيكا: أنا مغني مهرجانات، وداخلك بجمهور يسمعني، قيمني وقيم اللي بقدمه لكن متمنعنيش، ليه عايزين تحطوني في الحتة دي، بإذن الله القانون هيجبلي حقي، وإحنا اللي نزلنا الميادين وعملنا احتفالات أكتوبر بجمهورنا بناسنا، وأنا مصري، ودمي مصري، جسمي مصري، وأحمل الهوية المصرية، أنا مش إسرائيلي والله.
أزمة حمو بيكا مع نقابة المهن الموسيقية
ورد حمو ليكا في اللايف على تصريحات الفنان تامر عبد المنعم والفنان هاني شاكر، أمس الثلاثاء، في صالون ثقافي أقيم في قصر السينما، قائلا: طالع ماسك المايك، المكان اللي عامل عليه الندوة ده اسمه المنصة، متقولش مسرح أنت مش واقف تغني، الناس كلها بتتكلم باسم مصر.
