تامر عبد المنعم لـ حمو بيكا: حضورك احتفالات أكتوبر ليس دليلًا على وطنيتك.. وشوف حد يقرأ لك
رد الفنان تامر عبد المنعم، من جديد، على هجوم مؤدي المهرجانات حمو بيكا، الذي ظهر في بث مباشر عبر صفحته الرسمية، مستنكرًا انتقاده لمطربي المهرجانات خلال تصريحاته أمس في الصالون الثقافي بقصر السينما، بحضور الفنان هاني شاكر، نقيب المهن الموسيقية.
وكتب تامر عبد المنعم في منشور عبر صفحته الرسمية بموقع فيس بوك: السؤال للدكتور حمو بيكا ولا ما حموهوش وكان إيه علاقة الحج نجيب ساويرس أما دافع عنكم ؟! ثم أنا ما هاجمتكش أساسا كل الموضوع أني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الامتحان وربنا معاه يعني ما منعكش.
وتابع: أما بالنسبة لوطنيتك اللي اقحمتها في الموضوع أحب أقولك أنا لم أشكك فيها وبالمناسبة وجودك أنت وفرقتك في احتفالات أكتوبر مش دليل عليها عشان تستند عليه شكرا.. نسيت أقول لك شوف حد بيعرف يقرأ عشان يقرأ لك.
كما قال تامر عبد المنعم في تصريحات لـ القاهرة 24: أنا تامر عبد المنعم هرد على حمو بيكا على آخر الزمن خليه يقول اللي عاوز يقوله، هاني شاكر لم يمنع أحد ماشي باللوائح وعلى حمو بذات أنه يقدم مرة أخرى لو رسب إيه هنقف ضد القانون كمان! مش بشوف حمو بيكا أنا مالي إذا كان عنده ولاء ولا لأ هو أنا قلت له أنت يهودي.
وقبل ساعات هاجم حمو بيكا، الفنان تامر عبد المنعم، وقال في بث مباشر عبر صفحته الرسمية: طالع ماسك المايك، المكان اللي عامل عليه الندوة ده اسمه المنصة، ماتقولش مسرح أنت مش واقف تغني، الناس كلها بتتكلم باسم مصر، أنا مصري وحامل الهوية المصرية، أنا مصري وعندي ولاء أكتر منكم في البلد دي.
ووجه له سؤالًا: كنت فين لما نزلت أنا وجمهوري يوم عيد أكتوبر وعملنا احتفالية في الميادين المختلفة، هو أنتو ليه بتتنمروا علينا، ليه بتعاملونا كأننا حشرة ليه شايفنا زبالة لا إحنا ولاد ناس ومتربيين وعاملين ندوة كبيرة ماتستهزأش بيا، عصر أم كلثوم وعبد الحليم انتهى، إحنا في سنة 2021.
في وقت سابق، أصدرت نقابة المهن الموسيقية بيانًا أعلنت من خلاله إيقاف عدد من مطربين المهرجانات وعددهم 19 وهو ما أثار حالة واسعة من الجدل، وكان أبرزهم: حمو بيكا، حسن شاكوش، شواحة، حمو طيخة، مسلم، عنبة، الزعيم، مجدي شطة، وغيرهم.
