تامر فرج يعلن إصابته بانزلاق غضروفي: مش بحب أقول على السوشيال ميديا
كشف الفنان تامر فرج، إصابته بانزلاق في الغضروف خلال تصوير مسلسله الآنسة فرح، مشيرًا إلى أن وعكته الصحية سبب تأخره في إعلان رأيه في احتفالية افتتاح طريق الكباش حتى أنه لم يستطع أن يشاهدها في نفس توقيت عرضها.
وكتب تامر فرج عبر صفحته الرسمية بموقع فيس بوك: تأخرت في إعلان رأيي في احتفالية افتتاح طريق الكباش لأني للأسف ماشفتهاش يومها لأن في نفس التوقيت دكتور العلاج الطبيعي كان بيعمل احتفالية في ضهري لإصابتي بانزلاق غضروفي أثناء الانتهاء من تصوير الآنسة فرح.. وأنا لما بيحص لى إصابات أو أمراض مابحبش أقول وانشر على السوشيال ميديا عشان الحاجات دي بتتنظر.
وتابع: المهم كان لازم استنى واتفرج على الاحتفالية عشان أقول رأيي الحقيقي وماكتبش أي حاجة وخلاص بناء على كلام الآخرين.. والحمدلله أقدر أقول أني فخور جدا جدا ببلدي وبتراثها وبولادها وانبهرت باللي إحنا نقدر نعمله لما بيبقى لينا مزاج وإرادة حقيقة.
واستكمل: دلوقتى الواحد مش بس فخور بماضي بلده العريق لأ ده كمان يقدر يقول أنه دلوقتى فخور بحاضر بلده المنبئ بمستقبل مشرق، مختتمًا: تحية لكل عقل خطط وكل إيد نفذت ويا ريت الاحتفالية دي تتكرر كل سنة وتبقى موسم سياحي زي رأس السنة والأعياد والناس تجيله مخصوص من بره ومن جوه.
