الأغنية كانت معمولة لمعزة.. كواليس أغنية شيماء بعد احتلالها تريند السوشيال ميديا
علق يوسف سوستة، مؤدي مهرجان "البحث عن شيماء"، قائلا: شيماء دي بطة ولو حد لقاها عندك في الاستديو يقولي ولسه بدور عليها لحد دلوقتي.
وأضاف سوستة في مداخلة هاتفية لبرنامج "رأي عام" مع الإعلامي عمرو عبد الحميد، على فضائية "TeN" اليوم الاثنين، أن مهرجان "شيماء" لا يصنف ضمن المهرجانات ولكنه يعتبر "سكتش كوميدي"، موضحًا: بحب أغاني المهرجانات لأنهم اخواتي أصلا وعين شمس تعتبر أساس المهرجانات، وبسمع كل الألوان.
وتابع: لو قلت أن أغنية شيماء دي مهرجان هظلم المهرجان لأنه فكر وكلام والحمد لله هو اللي باسط الناس دلوقتي، وأحنا بنفذ حاجة تعجب الجميع وان شاء الله نبقى عند حسن ظنكم، مؤكدًا: المهرجانات فكر ولكن بعيد عن الناس اللي بتعمل اسفاف"، مضيفًا ساخرًا: "كلمات الأغنية كانت للبطة وأنا اللي كاتب وملحن.
وأردف مغني المهرجان: الاسكتش كوميدي هروح اصوره في مدينتي يعنى مهو لازم اصوره في المنطقة دى ورؤية المخرج ومبسوطين إنه عجب الناس واللي جاي افضل.
