طارق الشناوي عن مهرجان البحث عن شيماء: دمها خفيف والتفاهة درجات
علق الناقد الفني طارق الشناوي، على أغنية المهرجانات البحث عن شيماء التي غزت مواقع السوشيال ميديا، قائلًا: دا العادي ولا نحاكم المؤدي للأغنية ما دام لا يوجد خروج عن الآداب أو أي كلمات قبيحة خلاص، ممكن نكتة شخص يضحك والتاني لا، فيجب ألا نتوقف أمام نكتة ونعمل معركة، وتبقى دي النكتة بقى.
وأضاف الشناوي في مداخلة هاتفية لبرنامج رأي عام مع الإعلامي عمرو عبد الحميد، على فضائية TeN اليوم الاثنين: اللي سمعته في أغنية شيماء دمه خفيف وقد يراه البعض غير ذلك مش مشكلة، بس شايف أن الأبواب دي تفتح ومحدش يعرقل أو يحاكم أشياء بأنها تافهة، لأن التفاهة درجات.
وتابع: الحاجات التافهة اللي مبتأذيش تعدي ومش لازم نفكر في الحاجة مليون مرة، وطالما الحاجة بسيطة بطبعها ومفيهاش سب أو قذف أو خروج عن الآداب، فنيًا ممكن متعجبش ناس بس هل الناس اللي مش عاجباهم يصادروا الحاجات اللي شايفينها من وجهة نظرهم سيئة، ولكننا نصادر في حالة الخروج عن الآداب.
