أتمنى تقديم شخصية نفرتيتي.. أبرز تصريحات نيللي في ندوة تكريمها بـ مهرجان القاهرة السينمائي
فن
نيللي
نظم مهرجان القاهرة السينمائي الدولي، اليوم الثلاثاء جلسة حوارية للفنانة نيللي، بمناسبة تكريمها في الدورة الـ 43 للمهرجان، بجائزة إنجاز العمر.
ويرصد لكم القاهرة 24 أبرز تصريحات النجمة نيللي خلال الندوة والتي جاءت كالتالي:
- مفيش زي فيروز لأنها موهوبة ومختلفة هى مولودة بالموهبة.
- بدأت الاستعراض والرقص من بدري وأنا عندي 3 سنوات.
- اللي عايز يشتغل في الاستعراض لازم يتمرن كتير، وياخد دروس باليه، وأنا دارسة باليه كلاسيك.
- قلت فوازير إيه وإيه اللي يخليني أسيب السينما، ولما عرفت إن في استعراضات كلبشت في الموضوع والاستعراض بالنسبالي حياة.
- أنا مش من النوع اللي أقول عايزة أعمل ده إلا لو الدور مكتوب حلو والعمل كويس.
- مفيش عمل معين أقبله، إلا لما يكون العمل مكتمل من كل ناحية.
- كنت شقية ولازلت، وهذا سر نجاحي.
- أرى أن دنيا سمير غانم موهبة خاصة جدا، وتشبهني فنيا في الشقاوة.
- محمود ياسين قال استحالة نيللي تعمل دور شريرة، وخاصمني في الفيلم، وأنا اللي اخترت أعمل عذاب امرأة.
- حياتي طبيعية مفيهاش حاجة تتقدم في عمل فني.
- مبكتبش قصة حياتي، بكتب خواطر شخصية وقد تكون متاحة بعد موتي.
- أنا السوشيال ميديا بالنسبة لي خيال علمي، كان خيال ثم تحقق.
- أتمنى تقديم شخصية نفرتيتي لأن رقبتي طويلة زيها.
- في الوقت اللي شريهان قدمت إعلان كان في غيره هعمله.
- عن تعاونها مع الفنانة شريهان في عمل فني قالت: مفيش الكلام ده مسمعتش عنه ومحدش كلمني خالص.
