اعترافات الصيدلي المتهم بقتل مهندس شبرا: ما بكلموش من 7 سنين ورمى أوردر الأكل قدام شقتي | خاص
كشفت التحقيقات تفاصيل واقعة قيام صيدلى بقتل جاره الذى يسكن معه بنفس العقار منذ سنوات بسبب أوردر وجبة طعام وذلك في شهر أغسطس الماضي حين قام المتهم بتسديد عدة طعنات أنهت حياة جاره تلك الجريمة التي أحزنت أهالى منطقة الساحل فى شبرا وتم القبض على المتهم في الواقعة، وإلى نص التحقيقات:
س: ما الذي حدث إذن وما هي ظروف ضبطك وعرضك علينا ؟
ج: هو اللي حصل أن أول أمبارح يوم السبت حوالي السـ11ـاعة مساءا تقريبا كنت طالب أكل وفجأة لقيت أن جارنا اللي جنبنا اللي اسمه باسم رمى الاكل اللي احنا طالبينه كله قدام الشقه وانا روحت خارج علشان اشوف فيه ايه لقيت الأورود كله اللي انا كنت طالبه مرمي قدام الشقه روحت خبطت على شقه باسم علشان اعرف هو عمل كده ليه بس هو مفتحش الباب وبعد كده روحت خبطت على جارنا التاني اللي اسمه عبد الحليم أوريه اللي حصل وراح خبط على شقة باسم وفتحله وخرج وشدينا مع بعض في الكلام أما عبد الحليم سأله انت عملت كده قالوا اه دايما أنا بطلب الأكل على شقته وانا قولتلوا انا هطلب الأكل على شقتك ليه وشدينا مع بعض في الكلام وعبد العليم جارنا هدى بينا وبعد كده انا دخلت شقتي وباسم فضل واقف على باب شقته وقعد يشتم فيا روحت خارج تلقي وفي الوقت ده لقيت محمد عامر اخو مراتي جالي عند الشقه وبيسألني فيه ايه قولتلوا ان فيه مشكلة مع جارنا بسيطه فراح يسأله فيه ايه لقيت باسم ضربه بالسكينه في وشه فراح محمد مسك فيه وانا دخلت احوش بينهم وانا بحوش بينهم باسم اتكعيل ووقع على تربيزه في مدخل شقته والازار انكسر لقيته اخد حته ازاز وعورني بيها في أيدي وانا اخدت محمد ونزلنا علشان نطلع على اي مكان تشوف الاصابات اللي فينا وطلعنا على مستشفى ماري مرقص وهما استقبلوا محمد ومرضيوش يستقبلوني انا علشـان لازم اروح القصر العيني علشان اعمل جراحة طلعت على شبرا الخيمة عند أخويا وخيطت ايدي في صيدلية هناك بس انا معرفتش أقابل أخويا علشان البوابه بتاعت البيت عنده كانت مقفوله ومكنش معايا الموبيل علشان اكلمه ولما عرفت أنهم مسكوا أبويا وامي في قسم الساحل رحت رايح القسم علشان اشوف فيه أيه وهو دا كل اللى حصل
س: متی واین حدث ذلك ؟
ج: الكلام ده حصل أول امبارح يوم السبت 21 اغسطس 2021 حوالي الساعة 11 مساءا تقريبا قدام شقتى اللي في العمارة رقم 162 شارع شبرا بالدور السادس الساحل
س: ما سبب ومناسبة تواجدك بالزمان والمكان سالفي الذكر ؟
ج: أنا كنت قاعد في شقتي وخرجت لما جرس الباب دق وانا كنت طالب اوردر اكل.
س: ما الذي تلاحظ لك انذاك ؟
ج: انا لقيت الاكل التي كنت طلبه مرمي قدام الشقه بتاعتى
س: من كان برفقتك آنذاك ؟
ج: انا كان معايا جاري عبد الحليم الصياد واخو مراتي محمد عامر واخوها الثاني أحمد عامر الشقه اللي تحتي اسمه خالد ومعرفت باقي اسمه ايه
س: ما صلتك وعلاقتك بكل من عبد الحليم الصياد، محمد عامر، أحمد عامر والمدعو خالد ؟
ج: هو الحاج عبد الحليم الصياد جاري في العمارة ومحمد عامر واحمد عامر دول اخوات مراتي وخالد ده جاري في الشقه اللي تحتي
س: وما صلتك بالمتوفي إلي رحمة الله تعالى باسم حسنی محمد ؟ وهل توجد ثمة خلافات فيما بينك وبين سالف الذكر ؟
ج: لا هو مكنش غير مشكلة واحدة بس من سبع سنين ومن ساعتها واحنا مبنكلمش بعض لحد المشكلة بتاعت اول امبارح.
وخرجت تاني شتمته ومسكنا في بعض ساعتها
س: هل ثمة شاهد على ذلك ؟
ج: ايوة هو جاري عبد الحليم كان واقف معايا من أول المشكله وشاف كل حاجه وجاري اللي في الدور التي تحتي اللي اسمه خالد طلع برضوا في الخناقه بس هما مشافوش حاجة ساعة ما مسكنا في بعض
س: وما هو الحوار الذي دار فيما بينك وبين المتوفي إلى رحمة الله تعالى باسم حسني محمد ؟
ج: أنا لما لقيت الاكل بتاعي أترمى قدام الشقه خبطت على باســم مفتحش فروحت على جارنا عبد الحليم وشهدته على اللي باسم عمله وراح خبط على باسم خلاه يجي وبيساله انت اللي عملت كده يا باسم قاله ابوه انا اللي عملت كده ولما قاله ليه كده قاله انا بطلب اوردرات على الشقه بتاعته دايما بالليل وان ميعملش كده وفضل يشتم وانا ارد عليه وعبد الحليم فضل بهدي بينا ومنكلسناش تاني في حاجه غير لما قعد بشتم بعد لما يخلت شقتي
س: وما سبب حدوث تلك المشاده فيما بينكم ؟
ج: هو كان بسبب انا كنت طالب اوردر اكل وجه بنقط على شقة باسم وباسم استلمه وراح رماه على الارض قدام شقتي وضرب جرس الشقه عندي ورجع شقته تاني وهو ده كان سبب المشكله اللي حصلت.
س: وهل من ثمه دور احمد عامر بالواقعة ؟
ج: هو مراتي محمد عامر جالي ساعة الخناقة اللى هو نزل مع أخوه محمد علشان يخيط الجرح إلى في وشه.
س: وهل كان بحوزة أيا منكما ثمة اسلحة أو أدوات مما تستخدم في الإعتداء على الأشخاص ؟
ج: لا هو باسم اللى گان معاه سكينة ماسكها في ايده.
