أنت لسه راجع من تركيا.. أحمد فلوكس: هاني شاكر فاكر أن الرئاسة هي المنع والشطب والنقابات الفنية ميغة
علق الفنان أحمد فلوكس على الأزمة الأخيرة، بين مطربي المهرجانات ونقابة المهن الموسيقية، مشيرًا إلى أن جميع النقابات الفنية هدفها الأول الانتفاع، وأن الفنان هاني شاكر نقيب الموسيقيين، يخطئ في إصدار قرار بالمنع أو الشطب على النجوم.
وكتب أحمد فلوكس منشورًا، عبر حسابه الشخصي بموقع التواصل الاجتماعي فيسبوك، قال فيه: لما كتبت بوست نجيب وهاني شاكر هايطلعوا بره، وهايشتغلوا واسمهم مصريين، فبدل ما تمنعوا، جمعهم وقومهم ووجههم صح، واستخدمهم لإرسال رسالة هادفة لجمهورهم الكبير.
وتابع أحمد فلوكس: وارتفع بيهم هما وجمهورهم لدرجة صحيحة، لكن طبعًا لأن كل النقابات ناس لا تصلح، وعبارة عن ميغة للانتفاع، والأستاذ هاني ما شاء الله، فاكر الرياسة هي المنع والشطب، واللي تاحتوا الحقيقة حاجة يعني ولا ليها علاقة بأي حاجة غير الانتفاع، وده كله حال أغلب النقابات.
أحمد فلوكس
وأضاف أحمد فلوكس: فبالتالي كل ده حصل، ولسه اتفرجو إيه اللي هيحصل، لأن الأسوأ لسه مجاش، وبالمناسبة مش بس النقابات الفنية علشان ماحدش يزايد، لا نقابات كتيرة، حتى نقابة عمال الغزل والنسيج، اللي راحوا أجروا أهم سينما في شبران اللي غني عليها أم كلثوم، وجمال عبد الناصر قال خطبه شهيرة هناك.
أحمد فلوكس وهاني شاكر
واستكمل أحمد فلوكس: أجروا لناس عملوا قاعات أفراح فيها، وبدل ما يعملوا حاجة تفيد أهالي شبرا بقت قاعة أفراح، وبميت ألف جنيه في الشهر، يعني هبل بس، سينما مودرن.
واختتم أحمد فلوكس: يا أستاذ هاني ماتتكلمش بالوطنية وقدسية البلد، وأنت لسه راجع من تركيا في إجازة، اللي عاوز يصلح يصلح مش يمنع.. سلامو عليكم.
