مواطنون بمركز طوخ: اللقاح مش موجود والموظفون غير متعاونين
اشتكى عدد من المواطنين التابعين لعدد من قرى مركز طوخ بمحافظة القليوبية، من عدم توفير لقاح كورونا بمركز شباب طوخ المخصص لهم للحصول على اللقاح.
وقال عدد من المواطنين لـ القاهرة 24، إنهم توجهوا اليوم إلى مركز شباب طوخ، للحصول على اللقاح غير أنهم لم يجدوا أحدا، كما وجدوا الباب مغلقا دون أن يعرفوا السبب.
وتابع المشتكون: بعد التسجيل وصلت إلينا رسالة بالتوجه إلى مركز شباب طوخ، للحصول على اللقاح لكن بعد وصولنا للمركز لم نجد أحدا، وقال البعض إن بعض المواطنين اشتبكوا مع بعضهم، وبعد ذلك امتنع الموظفون عن إعطاء اللقاح.
مش فاهمين هما مالهم؟!.. الناس مع بعضه برة، هما دخلهم ايه، ودي مش أول مرة هما دايما كدة وفي مننا جه قبل كدة وحصل نفس الموقف معاه، ومش عارفين نكلم مين ونشتكي لمين، كمان في بعض الأوقات يقولوا السيستم واقع.
قال أحد المواطنين: أكتر من مرة آجي وأرجع، مرة خلص ومرة السيستم واقع، ومش عارف أعمل ايه، وخدت كذا يوم إجازة علشان آخد اللقاح لكن مش عارف.
وقالت سيدة: أنا بقالي شهر بروح وبرجع علشان الجرعة التانية، وكل ما أجي يقولوا مش موجود نفس النوع ومرة السيستم واقع، الكلام دا من 6/ 11، ولغاية دلوقتي مفيش جديد ولا حد نشتكي له.
