وديته مصحة من سنة عشان المخدرات.. ننشر أقوال والدة المتهم بـ ذبح شخص في الإسماعيلية | خاص
حالة من الجدل حول جريمة ذبح شخص بالإسماعيلية التي هزت الرأي العام المصري، عقب رفع سفاح سلاحًا أبيض على شخص، وانهال عليه ضربًا وطعنًا وذبحًا، حتى فصل رأسه عن جسده، وأخذ يتجول ويطوف به، بعد أن أردى الضحية قتيلًا بلا رأس.
ذبح شخص بالإسماعيلية
ويواصل القاهرة 24 نشر نص التحقيقات في القضية التي حملت رقم 4853 لسنة 2021 جنايات ثان الإسماعيلية، والمتهم بذبح شخص في وضح النهار في شارع طنطا بمحافظة الإسماعيلية أمام الأهالي وفصل رأسه عن جسده وحملها مترجلًا به، ممسكًا سكينًا كبيرة في يده، لإرهاب من يحاول الاقتراب منه.
أقوال والدة المتهم بـ ذبح شخص بالإسماعيلية
واستمعت جهات التحقيق إلى والدة المتهم ربة منزل في القضية
س: ما هي صلتك بالمتهم؟
ج: هـو ابني
س: ما معلوماتك بشأن الواقعة محل التحقيق ؟
ج: اللي حصل أن يوم الاثنين 2021/11/1 الساعة حوالي 3 مساء انا كنت قاعدة في البيت وابني عبدالله جه قالي ان في واحد في السوق قاله ان عبدالرحمن بيتخانق وشكله موت واحد فأنا خفت بس بعدها ابني عبدالله هداني وقال لي إن الرجل المضروب في المستشفى وأنا معرفش ايه اللي حصل وسمعت إن في فيديوهات منتشرة بس مشوفتش منها حاجة.
س: متى وأين حدث ذلك ؟
ج: الكلام ده حصل يوم 2021/11/1 حوالی 3 مساء في بيتي اللي في حي العبور بالإسماعيلية
س: وهل شاهدت الواقعة محل التحقيق حال حدوثها ؟
ج: لا انا مشوفتش حاجة ومعرفش اللي حصل.
س: وهل من ثمة علاقة أو خلافات فيما بينك وبين المجنى؟
ج: لا أنا معرفوش
س: وما هي طبيعة علاقة نجلك بالمجنى عليه المتوفى رحمة مولاه سالفة الذكر وهل من خلافات بينهم ؟
ج: أنا معرفش إن في أي حاجة بينهم وهو اللي نعرفه أخوه عصام وأخ تاني اسمه حسن واللي أعرفه من ابني عبدالرحمن كان بيتعامل معاهم في شغل من زمان
س: وهل من خلافات فيما بين نجلك المتهم وبين شقيقي المجني عليه المنوه عنهم بأقوالك ؟
ج: لا عمري ماشوفت مشكلة ما بينهم
ابنى بيشرب مخدرات
س: وهل يتعاطى نجلك ثمة مواد مخدرة؟
ج: أيوه هو كان بيشرب مخدرات وانا وديته مصحة من حوالي سنة للعلاج من المخدرات اللي بيشربها.
س: وما هي المادة المخدرة التي يتعاطاها نجلك تحديدا؟
ج: أنا معرفش هو بيشرب ايه بالظبط
س: وكيف وقفت على تعاطي نجلك للمواد المخدرة إذا ؟
ج: لأنه كان طول عمره طيب وهادي وبعدين ابتدى يبقى عصبي والناس وأخواته كانوا بيقولوا إنه بيشرب مخدرات ومحتاج يتعالج وعشان كده انا قلت أوديه مصحة.
