مريم محسن من ذوي الهمم: نفسي البطايق وجوازات السفر تكون بطريقة البرايل..والريس: حالًا يا مريم
قالت مريم محسن، من ذوي الهمم للمكفوفين، إنها سفيربة للإتاحة، كما أنها تدرس البيانو في لندن.
وأضافت محسن في كلمتها، خلال احتفالية قادرون باختلاف: أنا عندي 17 سنة، من محافظة بورسعيد، وأنا سفيرة الاتاحة، وبدرس بيانو في لندن.
وتابعت: سفيرة الاتاحة، هي إن كل خدمات الدولة نقدر نستخدمها الاستخدام الصحيح، مضيفة: بلدنا موفرة الاتاحة، خاصة في وزارة الاتصالات، زي تطبيقات الموبيل اللي بتتعرف على العملات النقدية، والألوان، كمان وزارة السياحة والآثار، عملوا مشروع مسار المتحف المصري، اللي بيعرض معروضات المتحف بتشرح تاريخها بطريقة برايل.
وأوضحت: أنا عندي أحلام أكبر واكبر ونفسي مصر تتطور اكثر، أنا لما كملت 16 سنة، كنت مبسوطة إني هعمل بطاقة رقم قومي.، بس مكنتش عارفة اتأكد ازاي إن دي بتاعتي.
وواصلت مريم: أنا بحلم إن كل الوثائق الرسمية زي السفر وبطايق تكون مكتوبة بطريقة برايل.
وعلق الرئيس عبد الفتاح السيسي، قائلًا:: حالًا يا مريم، احنا عندنا مجمع اسمه الوثائق المؤمنة، بيطلع الإصدارات، بما فيها جوازات السفر، وهنحط فيها اللي انتي عاوزاه، بس هندرس ده يتوافق مع القوانين الدولية، لو مفيش تعارض فيه هنعمله فورًا.
