الرئيس للطفل علي هاني من ذوي الهمم: أسعد لحظة في حياتي لسه مجتش وهتكون الحلم اللي بحلم بيه لبلدي
سأل الطفل علي هاني علي، الرئيس عبد الفتاح السيسي في فقرة حوار مع الرئيس، خلال احتفالية قادرون بلا اختلاف، عن أسعد لحظة وأصعب لحظة في حياته.
وقال علي: أنا اسمي علي هاني احمد، وبطل ألعاب قوة، وحاصل 49 ميدالية، وسأل الرئيس: ايه أجمل لحظة وأصعب لحظة مريت عليك في حياتك؟
ورد الرئيس عبد الفتاح السيسي: سؤال صعب أوي، أصعب لحظة اللي هي الفترة اللي حسيت ان البلد ممكن تروح، احيانا يكون فاهمك مشكلة يعذبك، لو انت بتعرف Hوي، وهتفهم حاجات محدش عارفة غيرك، أصعب لحظة مريت بيها اللي خفت على ناسي وأهلي، وكل الناس اللي موجودة في مصر، عشان عددنا كبير ومشاكلنا كبيرة وظروفنا صعبة، البلد لو راحت الناس دي هتروح فين.
وتابع الرئيس: أسعد لحظة لسه مجتش، هتكون هو الحلم اللي أنا بحلمه لبلدي، يارب بيكم وبمصر وبالمصريين، شباب وكبار وبـ قادرون بلا اختلاف اللي انا بعول بيهم، وبقسم بيهم امام الله إنه يساعدنا.
وواصل علي قائلًا: أسعد لحظة في حياتي، يوم مصر لما فازت على الكونغو في كأس العالم في 2018، ونفسي أقابل محمد صلاح.
