إيمان الحصري: الدكاترة قالولي اللي حصلك مهزلة وخدوا قرار إنقاذ حياتي بعد أسبوعين
تحدثت الإعلامية إيمان الحصري، عن فترة مرضها التي مرت بها على مدار 7 أشهر، خضعت خلالهم إلى 7 عمليات جراحية في أقل من 21 يوما.
وقالت إيمان الحصري خلال لقائها ببرنامج صاحبة السعادة التي تقدمه الفنانة والمنتجة إسعاد يونس عبر شاشة قناة dmc: الأطباء اللي تابعوا حالتي بعدين قالولي إن اللي حصلي مهزلة مش بس أخطاء طبية، والطريقة اللي اتعاملوا بيها مع أخطائهم الطبية مهزلة وخطأ فوق الخطأ.
وأضافت: فجأة لقيت حياتي اتشقلبت وكنت فاكرة إني هدخل اعمل عملية واخرج عادي بعدها، ولكن تفاجأت باللي حصلي، والموضوع لو كان مشي طبيعي كان ممكن ياخد شهر أو اتنين وأخف وابقى بخير، لكن أخطأوا في العملية الأولى التي ترتب عليها باقي الأخطاء.
وتابعت إيمان الحصري: المشكلة مش في العملية لكن في الخطأ الطبي اللي حصلي، عملت 7 عمليات في 21 يوم وباخد فيهم بينج كلي وفي كل مرة بطلع كان الوضع بيسوء فيها أكتر.
واستكملت إيمان الحصري حديثها: خدوا قرار إنقاذ حياتي بعد أسبوعين، وكانوا بيقولوا إني مش هكمل وأعيش، لدرجة جابوا حد لبنتي يمهدلها إن ماما تعبانة وبتتألم ويقولوها إني مش هعيش.
