كورونا القطط.. البلوجر هادية غالب تعلن تعافي قطها: الحمد لله خف
قالت البلوجر هادية غالب، إن قطها كان مريضا بفيروس كورونا المستجد، إلا أنه تعافى من الفيروس التاجي تمامًا، وأصبح بصحة جيدة.
وظهرت عبر حسابها الخاص على إنستجرام، خلال خاصية الاستوري، وهي تحمل قطها ذا اللون الرمادي الفاتح، وهي تقبله وتحتضنه بشدة.
وأضافت غالب: الحمد لله قطي خف وكان عنده كورونا القطط، والحمد لله خف، متابعة: تعالى أنضفلك عيني يا بيبي، عشان الناس أكلت وشي.
واستكملت البلوجر: شايفين القمر ده، أنا بقيت إنسانة مسؤولة يا مامي، معلش أنا عارفة انك مضايق، بس عشان تنضف وتبقى حلو، بحبك، وريحتك بقيت حلوة يا بيبي.. ده من أهم 5 حاجات حلوة في العالم.
وواصلت: أنا بحبكم أوي، انتوا قولتولي أمسحله عينه، أنا مسحته بمناديل للقطط، بس شكرًا ليكم، حاسة إن مامي قاعدة معايا في البيت..بحبكم كلكم، شكرا لنصيحتكم.
وفي وقت سابق، قالت البلوجر هادية غالب، إنها لم تشرب الخمرة طوال حياتها قط، الأمر الذي أدى إلى نجاحها في مجالها، مما جعلها أكثر سيطرة على الأمور.
أضافت خلال فيديو نشرته عبر صفحتها الشخصية بموقع التواصل الاجتماعي فيس بوك: «أنا قررت أفتح موضوع الخمرة تاني، لأني لاحظت في الصيف إن البنات والولاد الصغيرين بيشربوا خمرة كتير، وحسيت إني لازم أتكلم».
أوضحت غالب:« هما أوقات كتير مش بيشربوا عن اقتناع لكن عشان يكون شكلهم كول، وأصحابهم بيضغطوا عليهم، لكن أنا عمري في حياتي ما شربت أو لمست الخمرة، دا اللي خلاني ناجحة».
