أمينة خليل: اشتغلت جرسونة وتنظيف الحمامات عشان أتعلم قيمة الجنيه
حلت الفنانة أمينة خليل ضيفة الإعلامي أنس بوخش ببرنامج ABtalks المذاع عبر قناته الرسمية على يوتيوب، متحدثةً عن العديد من الجوانب الشخصية في حياتها، وعلاقتها بعائلتها.
وقالت أمينة خليل: اشتغلت جرسونة في نيويورك وأهلي كانوا حريصين إني أعتمد على نفسي وأنزل أشتغل جرسونة وأنظف الحمامات عشان اتعلم قيمة الجنيه وعملت ده.
وتابعت: وعشان أنا واحدة طايشة وبحب التسوق فصرفت فلوسي كلها على التسوق وطلبت من بابا يبعتلي فلوس عشان خلصت فلوسي رفض بس أخدت من ماما في النهاية، أكيد مش هتسيب بنتها في غُربة من غير ما تساعدها.
وأضافت أمينة خليل: أكيد كلنا حسينا بالوحدة في وقت من الأوقات، الحمد لله ربنا يديم أهلي، ولكن فيه موضوعات لا تقتصر على أهلي أو مش عايزة أتكلم معاهم في بعض الموضوعات.
صدمة أمينة خليل
وأشارت أمينة خليل إلى أن عائلتها من أكبر الداعمين لها في حياتها، ولكنها تلقت أول لصدمة في حياتها منهم، حيث إن بعض أفراد من عائلتها كانوا معترضين على دخولها مجال التمثيل.
