أعزم في بيتي اللي يعجبني.. شريف عامر يرد على انتقادات حلقة شيماء
عقب الإعلامي شريف عامر، على حالة الجدل التي صاحبت إذاعة حلقة: صناعة التريند، والتي استضاف خلالها مؤدي أغنية شيماء، قائلًا: ممكن جدًا أشكر كام اسم، أو أهاجم آخرين، وأضمن التريند، لكن عمري ما عملت كده، منذ بداية مشواري، ومش هعمل كده حتى نهايته، ولو بختار أو أتحكم وفقًا لهواي الشخصي في ضيوف وموضوعات الفقرات بالبرنامج؛ هكون ممل جدًا.
وعقب شريف عامر، خلال تقديمه برنامجه يحدث في مصر، عبر فضائية mbc مصر، مساء الثلاثاء، على حلقة شيماء وصديقها: أنا أعزم في بيتي اللي يعجبني، وأختار اللي أقعد معاه بعد ما أخرج من الاستوديو، ونتعامل مع كل الظواهر والأمور والموضوعات، احنا بنتعامل مع 100 مليون مواطن.
وتابع الإعلامي شريف عامر: اللي بيقف قدام الشاشة أو ماسك قلم، ممكن يجرح في الناس؛ عشان التريند، لكننا نتحرى الصدق والدقة، وأي صاحب ادعاءات، قد أضطر لمقاضاته، وأنا أثق في جهات القضاء المصري، ولكني لن أفعل ذلك.
وواصل شريف عامر: أنا بيتقال عني إني محافظ وتقليدي، ولكن البرنامج اسمه يحدث في مصر، والاعتراف والمناقشة للمشاكل، هما اللي بيوصلوا للتشخيص الصحيح، وعشان يتغير ما يحدث في مصر؛ لا بد من زيادة الوعي، مضيفًا: نتناقش ونسمع بعض، ونشوف حلول وعلاج؛ عشان نشخَّص صح، ونعالج صح.
