عندي حياء في الأغاني اللي بقدمها.. أبرز تصريحات رامي صبري في راديو إنرجي
فن
رامي صبري
حل الفنان رامي صبري ضيفا على محطة راديو إنرجي 92.1، مساء اليوم الثلاثاء، مع المذيع وائل منصور وسارة المنذر، حيث اختارت محطة راديو إنرجي، رامي صبري ليكون نجم شهر نوفمبر، وتم إذاعة أغانيه على مدار اليوم، وتحدث خلال اللقاء عن أعماله الجديدة ومشواره الفني.
ويرصد لكم القاهرة 24 أبزر تصريحات النجم رامي صبري خلال لقائه في راديو إنرجي:
- أغنية حياتي مش تمام، مميزة عشان كلامها مختلف ومش بيتسمع كتير.. من أول ما سمعتها من عزيز الشافعي دخلت دماغي.
- كلمت مفتقدك في أغنية حياتي مش تمام، كنت معترض عليها في البداية لأني كنت حاسس أنها كلمة عظيمة أوي.
- عزيز الشافعي غير أنه ملحن شاطر، هو شاعر مثقف أوي.
- أنا دارس موسيقى عشان كده شايف إن المهرجانات مزعجة، كلها وش في المزيكا وفي الكلمات.
- بحب الجمهور بتاعي يكون كل الفئات.. عشان كده عندي حياء في كلمات الأغاني اللي بقدمها.
- هاني شاكر أمير الغناء العربي ومينفعش الشباب اللي لسه طالع يقولوا إنه بيغير منهم.
- ويجز مبيقولش حاجة، بس ممكن أسمعه لأن المزيكا بتاعته ممكن أسمعها.
- اتفرجت على كليب شيماء ولكن مكملتوش.. الموضوع كله يتعلق بإثارة الجدل.
