ياسمين عبد العزيز: لن أقاضي الطبيب المخطئ
كشفت الفنانة ياسمين عبد العزيز موقفها من الإجراء القانوني الذي يجب أن تتخذه ضد الطبيب الذي ارتكب خطأ أثناء قيامها بعملية عملية جراحية استئصال أكياس شوكولاتة على المبيض، وهي عبارة عن تكون لأكياس مائية في المبايض تكون على أشكال مثل الشوكولاتة.
وقالت ياسمين عبد العزيز، خلال حوارها مع الإعلامية منى الشاذلي ببرنامج معكم على شاشة قناة CBC: الناس قالولي لازم ترفعي قضية والدكتور يتجازى على اللي عمله، وأنا لما كنت تعبانة قولت هرفع قضية خصوصا إني مشفتش الدكتور ده طول شهر ونص، دكتور عصام شلباية مسابنيش، وكان بيجيلي البيت وعمره ما سابني ومتابع معايا لغاية دلوقتي.
وتابعت: ولكن فكرت في حاجة الدكتور ده أنا أعرفه وهو اللي ولدني في بنتي ياسمين، أنا أخدتها في ناحية تانية إن ربنا سترها معايا وبعد ما خلاص بموت، أكيد فيه سبب واللي حصلي له سبب، دي حسنات وربنا بيغفرلي، لحد دلوقتي مش عارفة، يعني أنا بتكلم معاكي دلوقتي ومقولتش اسمه، ولو قولت اسمه محدش هيلومني، بس أنا مش مؤذية ومش عايزة أذيه وأكيد هو مش قاصد يئذيني، وأضافت: الراجل ده عنده أكتر من 70 سنة معتقدش إني هرفع قضية على حد كبير في السن ده.
وأوضحت أن من سرب تفاصيل حالتها الصحية ليس الطبيب الذي ارتكب الخطأ بل طبيب آخر صديقه، قائلة: ليه التقرير الطبي يكون عند الناس، صديق الدكتور اللي عملي العملية، وبعدين مسحه على طول ولكن الناس كانت صورته والخبر نُشر.
