أحمد العوضي: ياسمين عبد العزيز ورتني الويل في مرضها
تحدث الفنان أحمد العوضي عن فترة مرض زوجته الفنانة ياسمين عبد العزيز، والتي عانت خلالها من مرض أكياس الشيكولاتة على المبايض منذ منتصف شهر يوليو الماضي.
وقال أحمد العوضي، خلال الجزء الثاني من لقائه مع الإعلامية منى الشاذلي، رفقة ياسمين عبد العزيز، ببرنامج معكم: ياسمين عِنَديَّة جدًا، وورتني الويل، لما كنا في سويسرا، كانت لما تشوفني بقفش عليها، تروح لشريف أخوها، تقوله مشيه، وخليك أنت، بخاف منه، وعامل زي قبَّاض الأرواح، وبيزغر لي.
وأضاف أحمد العوضي: وتاني يوم لما شريف يتعصب عليها؛ عشان مش بتاخد الأدوية، تقولي خليك أنت، ومشِّي شريف، بس أنا وشريف كنا مظبطين مع بعض، وعارفين حركاتها.
وأكمل أحمد العوضي حديثه: علاقتنا جماهيرية ودايمًا الناس في تفاصيلنا أكتر، ولما كانت تعبانة؛ كنت ببعت لها على الواتس آب رسايل، وعارف إنها مش هتشوفها؛ لأن تليفونها مغلق، وكنت كل يوم بستنى أشوف العلامتين الزُّرْق؛ لتقرأ تلك الرسائل، في إشارة منه إلى أنها إذا قرأت الرسائل؛ فذلك دليل على تحسن حالتها الصحية، وقدرتها على قراءة الرسائل، ومتابعة السوشيال ميديا.
