هاني شاكر عن كزبرة: أغنيته مفيهاش ألفاظ خارجة بس فيها هيافة.. لكن بيغني صح
علق الفنان هاني شاكر نقيب المهن الموسيقية، على أغنية مطرب المهرجانات الشعبية كزبرة، أثناء فقرة برنامج حبر سري، الذي تقدمه المذيعة أسما إبراهيم على شاشة قناة القاهرة والناس.
قال شاكر تعليقا على أغنية عاشق ولهان في عنيكي لكزبرة: هو مفيفوش حاجة خارجة ولكن فيه حاجة هايفة، يعني عايزين ولادنا الأولاد الصغيرين يغنوا كده؟ المزيكا حلوة واللحن حلو على فكرة لكن الكلمات مش حلوة هو ده اعتراضنا، هو بيغني حلو وبيغني صح.. أنا هنفسن من ولاد صغيرين زي دول ليه؟.
وأشار هاني شاكر خلال الحلقة أنه لا ينبغي أن تكون المهرجانات الشعبية وجهة تعبر عن الفن المصري قائلا: تبقى كارثة لو تم اعتماد لون المهرجانات الشعبية كلغة سائدة في العالم، ويوم القيامة قرب.. مع احترامي للمهرجانات واللي بيحبوها ولكن مينفعش إن الصورة عن الفن المصري متاخدة من مطربي المهرجانات الشعبية.
وتابع نقيب المهن الموسيقية هاني شاكر: لو عندي السلطة، كان زماني مانع مطربين المهرجانات من الغناء في المملكة العربية السعودية، مش مصر بس.
