صبري فواز عن ظهور شيرين عبد الوهاب دون شعر: الفنان ممكن ينتحر ويكتئب
علق الفنان صبري فواز على ظهور النجمة شيرين عبد الوهاب حليقة الشعر، خلال إحياء حفل غنائي في مدينة أبو ظبي بالإمارات العربية المتحدة، في الإطلالة الأولى لها بعد طلاقها من المطرب حسام حبيب.
وكتب فواز عبر موقع التواصل الاجتماعي فيس بوك "الفنان ( الفنان.. هاه ) بيبقى عايش طول الوقت على أعصابه.. والقلق صديق ملاصق له دايما..
و على طول حاسس إنه لسه ماعملش حاجة، مهما نجح..والحياة بالنسبة له مجموعة كبيرة من علامات الاستفهام.
وأضاف "تخيل بقى في وسط كل ده، عنده كل المهام اللي عند كل البشر.. شغل وبيت وأولاد ومسؤوليات.. حط فوق كل دول، إن يحصل له أزمة كبيرة في حياته الشخصية.. الله أعلم ساعتها تصرفه هايكون ازاي.
وتابع فواز "يحلق شعره مثلا، زي شيرين..ينتحر مثلا، زي روبين ويليام..يكتئب ويبعد عن الناس مثلا، زي فنانين كتييييير..يبلع حزنه ومراره ويكمل شغله ومسؤولياته ويبتسم ويطمن الناس حواليه وينشر طاقة إيجابية، وربنا لوحده اللي عالم باللي جواه مثلا، زي فنانين كتيييير..سيبها تسبح وادعي ربنا يراضي قلوبنا ويريح بالنا جميعا ".
وقالت شيرين عبد الوهاب خلال حفل الإمارات، إنها أصبحت تشعر براحة أكثر بعدما فعلت هذا الأمر، مضيفةً: مش كدا أحلى ولا كوافير ولا هم، أنا ارتحت وبغسل شعري 8 مرات في اليوم.
وقالت شيرين عبد الوهاب في حفلتها للجمهور: متقبلني كدا؟، أنا كدا فوقت، وبتحدى أصالة أنها تعمل كدا.
