والد حسام حبيب يكشف لـ القاهرة 24 سبب طلاق شيرين عبد الوهاب: ابني مكنش بيشتغل
كشف والد الفنان حسام حبيب السبب الحقيقي وراء طلاق نجله لـ الفنانة شيرين عبد الوهاب، موضحًا أن الأخيرة من كانت ترغب في الانفصال، بسبب أن حسام لم يهتم بالعمل، وهو الأمر الذي كانت ترفضه شيرين تماما.
وقال والد حسام حبيب في تصريح خاص لـ القاهرة 24: شيرين اللي كانت عايزة تطلّق من حسام، وهو مكنش عايز يطلقها، هي حاسة إن طول ما حسام جنبها مش هيعمل حاجة وقالتهالي كذا مرة، طول ما حسام جتبي مش هيعمل حاجة.
طلاق حسام حبيب وشيرين
وأضاف والد حسام حبيب: النهارده بعد الطلاق حسام اشتغل طب بعد إيه! طب ما هي كان نفسها تشتغل، وشيرين قالتي قبل كده نفسي حسام يبقى زيي وأكبر مني، والاثنين كانوا معطلين بعض، هي كانت شغالة بس مش كتير، لكن هو مبيشتغلش خالص، ولما سابته اشتغل وكلامها طلع مظبوط.
وفي سياق آخر، فاجأت شيرين عبد الوهاب جمهورها بظهورها حليقة الرأس، وذلك خلال إحيائها حفلا غنائيا في أبو ظبي، مساء أمس الجمعة، وحضر الحفل عدد كبير من جمهورها.
