محمد ممدوح: تأثرت بعبد الله غيث وأحمد زكي.. علموني يعني إيه رسالة
قال الفنان محمد ممدوح، إنه تأثر بالعديد من الفنانين بمختلف الأجيال، وذلك خلال حديثه مع الإعلامي يوسف الحسيني، في برنامج التاسعة المذاع عبر شاشة قناة الأولى المصرية.
وأوضح ممدوح: حقيقي دون مجاملة هما كتير اللي خلوني أشوف الأفلام وأفكر فيها بشكل مختلف، زي أستاذ عبد الله غيث، وأستاذ يحيى الفخراني، وأستاذ أحمد زكي، وأستاذ نور الشريف، أنا اتعلمت من كل حد حاجة، وفهمت يعني إيه رسالة، حتى لو قدمت فيلم كوميدي، الضحك رسالة إني أقعد أتفرج وأتبسط.
وتابع ممدوح: إحنا عندنا أساتذة كبار، أنا شايف من وجهة نظري إن العالمية دي بتاعهتم هما بتاعت اللي عملوها، يعني الواحد بيتفرج مثلا على أفلام الأوسكار، بيلاقيهم بيدوا الجائزة لفيلم عادي، مع إن فيه أفلام تانية حلوة، بيدوا الجوائز للي هما عايزينه دي من وجهة نظري.
وفي سياق متصل، حصل الفنان محمد ممدوح على جائزة أفضل ممثل في مهرجان القاهرة السينمائي بدورته الـ 43، عن دوره في فيلم أبو صدام، الذي شارك في المسابقة الرسمية للمهرجان.
فيلم أبو صدام، بطولة الفنان محمد ممدوح، أحمد داش، رجب، علي قاسم، علي الطيب، هديل حسن، قصة وإخراج نادين خان، سيناريو وحوار محمود عزت، مدير التصوير عبد السلام موسى، ملابس ريم العدل، ديكور عاصم علي، مونتير باهر رشيد، موسيقى شريف ثروت.
