مصطفى فهمي: عيب عليا أتكلم أو أشهّر بواحدة ست كانت مراتي
كشف الفنان مصطفى فهمي، أسباب انفصاله عن فاتن موسى، قائلًا: "أنا مستحمل اللي بيتقال عليا في السوشيال ميديا ولكن عيب عليا أتكلم أو أشهر بواحدة ست كانت مراتي".
وتابع فهمي، خلال حواره مع الإعلامي عمرو أديب، ببرنامج "الحكاية"، المُذاع عبر فضائية "mbc مصر"، مساء أمس الاثنين: "عيب إني أقول عليها حاجة وحشة لأنها ممكن تكون زوجة لحد تاني يقدر يحقق لها اللي أنا مقدرتش أحققه ليها في يوم من الأيام".
وأضاف الفنان مصطفى فهمي: "فاتن خدت الشقة بطريقة وحشة، وكانت حاطة بودي جارد لمدة 12 يوم أمام باب الشقة، واضطريت أجيب واحد من شركة أمن مرخصة عشان أحافظ على مقتنياتي اللي لسه موجودة داخل الشقة"، مضيفًا: "أنا قاعد في لوكاندة حاليا وكل مقتنياتي داخل الشقة، وولادي مهددين حاليا، اللي عايز حقه ياخده بالبلطجة، احنا في دولة قانون وأنا أحترمه".
وتابع الفنان مصطفى فهمي: "بخاطب سيادة النائب العام الموقر والمحترم التحقيق في القصة دي، أنا بقيت متهم بالإرهاب والبلطجة، ومهدد أنا وولادي طول الوقت، في حد بيخطط للهرتلة اللي بتحصل ضدي على السوشيال ميديا دي".
وأوضح الفنان مصطفى فهمي: "المحامية بتاعت فاتن هدفها الفلوس وكانت بتقول إن فاتن اتطلقت عشان مصطفى فهمي خايف على نفسه من شهرتها ونجاحها"، متسائلًا: "اللي عايزة تثبت إن جوزها تنشر ده على السوشيال والتشهير ده مش هيعدي من غير حساب، دي مطلعاني حرامي غسيل وأخدت هدوما من الدولاب".
وتابع فهمي: "دي ست بتحب الشهرة واللي عايز يشتهر يعمل فضيحة، دي كانت بتقولي إنها سبب شهرتي، هيا من زمان كانت عايزة تمثل وطلعت معايا في مشهد"، مضيفًا: "فوجئت بأحد البنوك بيطالبني بأقساط قروض كانت سحبتها فاتن".
