منعًا لتكرار حادثة الشيخ زايد.. بسمة وهبة تطالب بسن تشريع يقنن تناول الخمور في الملاهي الليلية
أعربت الإعلامية بسمة وهبة، عن حزنها الشديد بسبب حادث الشيخ زايد، الذي راح ضحيته 4 شباب في مقتبل العمر.
ووجهت الإعلامية، رسالة لـ الشباب المستهتر، خلال تقديم حلقة اليوم الثلاثاء، من برنامج 90 دقيقة، على قناة المحور: ليه فاكر إن الدنيا عبارة عن سيجارة وكاس وإن ده اللي هيكبرك؟! دي حاجة بتدمركم وممكن تنهي حياتكم، شوفتوا النماذج المشرفة اللي الرئيس كان معاهم النهاردة؟!.
وشددت وهبة، على أن العمل الجاد والحرص على طاعة الخالق والاستمرار في التعلم هي ما يصنع الرجل الناجح: ليه تبقى الموضة إنك تمسك كاس وسيجارة، قلمك وشهادتك وعلاقتك بربنا اللي هتلخيك راجل غير كده هتروحوا لسكة الندم.
وطالبت الإعلامية بسمة وهبة بسن تشريع يقنن تناول الخمور في الملاهي الليلية منعًا لتكرار هذا النوع من الحوادث مرة أخرى، مطالبةً الشباب الذي يقدم على فعل سلوكيات مماثلة بالكف عنها، نظرا لما تتسبب فيه من نهايات مأساوية لهم ولغيرهم: كفاية انحراف ودلع، حرام عليكم التدمير النفسي لأم الضحايا، حتى أمهات المجرمين بيبقوا ضحايا، ونفسي يبقى فيه تشريع قانوني للملاهي الليلية يا يمنعوها أو يقننوها، الموضوع مش ربحي بس.
