أب يعتدي علي ابنته بالضرب المبرح بمساعدة زوجته بالدقهلية والطفلة.. أبويا بيعذبني دائمًا
شهدت قرية المعصرة التابعة لمركز بلقاس فى محافظة الدقهلية، جريمة بشعة حيث تجرد فيه أب وزوجته من جميع المشاعر الإنسانية وقام بضرب طفلته وعذبها وذلك بمساعدة زوجته.
البداية عندما قررالأب أن ينفصل عن زوجته أم بناته، ثم تزوج الأب من سيدة أخري والأم من رجل أخر وعاشت الطفلة رودينا مع والدها وزوجته وبدأت الطفلة رحلة العذاب وفي يوم قام والدها بضربها وتعذيبها وذلك بمساعدة زوجته، وعندما عادت الطفلة إلي أمها رفضت أستقبلها فذهبت إلي جدتها والدة أبوها وحاولت الجدة معاتبتة الأب فقام بالتعدي عليها.
قالت الطفلة رودينا للقاهرة24: «أبويا بيعذبني دايما طول النهار وبيفضل يضربني وبيحط مياه عليا فى الحمام، وجاب فوطة وحطها على وشي علشان يموتنى، وكل شوية يضربني وكسر رجلى قبل كدا، وبيقولى أنزلى إشتغلي خدامة واصرفى عليا".
وأضافت الطفلة باكية:" أنا نفسي أروح المدرسة وهو مش راضي، ولما رحت لماما قالتلى مش عايزاكى روحى لأبوكى، وكنت فاكراه هيبقى أب حنين عليا لكن كان بيأكلني عيش حاف، وزوجته حرقتنى فى بطنى، وأبويا كان بيخلينى أمسح الشقة ".
وواصلت جدة الطفلة لوالدها:" ابنى بيشرب مخدرات وبيضربنى وبيضرب أبوه بالرغم أننا جوزناه وادينا له شقة، وبيضرب أبوه دايما علشان عايز فلوس منه، ودايما بيضرب بنته وكان هيموتها من الضرب، وأنا رحت وديتها المستشفى وعملت محضر فيه واتحبس إمبارح، وقبل كدا رحت لأمها قالتلى مش عايزاها بالرغم أنها خدت كل مستحقاتها لما اتطلقت من أبنى وخدت 10 آلاف جنيه للبنت ومأخدتش بنتها واتجوزت وخلفت بنت تانيه ولما اتطلقت للمرة التانية من جوزها التانى أخدت بنتها التانيه تربيها وسابت رودينا ".
وكان تلقى اللواء السيد سلطان مدير امن الدقهلية إخطارًا من اللواء إيهاب عطية مدير المباحث الجنائية يفيد بورود بلاغ لمركز شرطة بلقاس من سيدة تتهم فيه نجلها بالتعدي علي حفيدتها بالضرب المبرح.
وعلي الفور انتقل ضباط المباحث وتم ضبط الأب وبسؤاله أعترف باركاب بالواقعة، وقد أمرت جهات التحقيق ببلقاس أن تعود حضانة الطفلة إلي جدتها والدة أبوها.
