فيفي عبده: الفرق بين الراقصات الأجنبيات والمصريات زي الفاكهة البلدي والصناعي
قالت الفنانة فيفي عبده، إن صديقتها الفنانة والراقصة لوسي، لم تعتزل الرقص كما أشيع، مؤكدة أنها تحيي الكثير من الحفلات.
وتابعت فيفي عبده خلال لقائها مع برنامج حبر سري المذاع على القاهرة والناس: لوسي ما أعلنتش اعتزالها وبتشتغل في الأفراح وترقص عادي، صافينار أكتر واحدة “نغشة” في الراقصات الأجنبيات، واخدة من المصريين خفة دمهم، في منهم لذاذ، الراقصات الأجنبيات الفرق بينهم وبين المصريات زي الفاكهة البلدي اللي فيها طعم والصناعي مفيهاش روح كده.
توبة فيفي عبده
وفي سياق متصل، قالت الفنانة فيفي عبده، إنها لا تستطيع أن تحكم على أموال الفن أنها حرام، لأنها تربت عليها وأصبحت نجمة بسببها، قائلة: أبقى إنسانة غبية لو قولت إنها مش حرام، خلاص كبرت بيها، وبقيت فيفي عبده، مش هقدر أقول حرام وأتوب وما أتوبش، أنا بتعب في شغلي جدًا، وربنا هو اللي عالم هتوب امتى.
وكشفت الفنانة فيفي عبده، حقيقة فشل ابنتها، الفنانة عزة مجاهد، فنيا؛ بعد مشاركتها معها في مسلسل كيد النساء، وقالت: لأ.. عزة مافشلتش بعد كيد النساء، هي اشتغلت في مسلسلات كتيره مع غيري، كونها ابنة فيفي عبده؛ ده صعب عليها، وأصبح عبئا عليها، وأنا مازقِّتهاش ولا ساعدتها في ده.
