فيفي عبده: تعبت في مشواري وشقيت ونفسي أعمل قصة حياتي بنفسي
كشفت فيفي عبده في الجزء الثاني من لقائها في برنامج حبر سري مع الإعلامية أسما إبراهيم، عبر قناة القاهرة والناس عن رغبتها في تجسيد قصة حياتها بنفسها في عمل فني.
وقالت فيفي عبده: نفسي أعمل قصة حياتي وأنا أحكيها بنفسي زي ما أنا عشتها وحسيتها دون إضافات، زي أي إنسان بيعاني وبيتعب وبيلاقي ويتخدع، الإنسان بيمر بحاجات كتير.
وأضافت فيفي عبده: مشواري كان صعب أوي، وتعبت وساعات ببص لرجلي وأقولها تعبتي معايا، أنا حياتي كانت صعبة وأنا صغيرة، وبدأت من البداية خالص، وطلعت السلم واحدة واحدة وتعبت وعانيت وكنت فقيرة.
وأكملت فيفي عبده: أنا كنت فقيرة وبعد كدا بقيت متيسرة وبقى عندي فلوس أعيش عيشة أحسن شوية، وعشت كل المراحل وطلعت صح، واللي بيلاقي الحاجة على الساهل بتروح منه واللي بيتعب بيلاقي في الآخر.
واختتمت فيفي عبده: الحياة فيها ظلم وخير، وناس بتساعدك وتتبطب عليكي وناس بتدوس عليكي، بس أنتي بتتعلمي من الحياة، وهي الدنيا كدا.
