السيسي يستجيب لمناشدة سيدة مصابة بالسرطان | فيديو
أعلنت الإعلامية عزة مصطفى استجابة الرئيس عبد الفتاح السيسي، لمناشدة السيدة آمال عبد الله، مواطنة من الشرقية مصابة بالسرطان ترغب في الحصول على علاج مناسب.
ووجهت عزة مصطفى خلال برنامج صالة التحرير عبر فضائية "صدى البلد"، مساء اليوم الإثنين، الشكر إلى الرئيس السيسي: «ربنا يباركلك ياريس، كلنا بنشكرك ياريس ربنا يعزك ويراضيك، إن شاء الله آمال هتتعالج على نفقة الدولة ومش هنشوف دموعها تاني أو دموع ابنتها آية مرة أخرى».
وروت آمال عبد الله تفاصيل معاناتها مع مرض السرطان، موضحة أن زوجها هجرها بعدما أصيبت بالسرطان.
وتابعت «جوزي تركني منذ 7 سنين، اشتغلت في البيوت أخدم عشان أصرف على أولادي، مردفة «نسيت مرضي اللي زاد عليا، بقالي 5 أشهر بجري على علاجي، وكل اللي كنت بفكر فيه هو مصير أولادي، والدكتورة اللي كنت متابعة معاها قالتلي العلاج تكلفته عالية جدًا».
وأكملت باكية: «طلعت ابني من المدرسة كي ينفق عليا، بتقطع وأنا بشوف الأطفال رايحة المدرسة»، معلقة «أنا لو مش تعبانة كنت هعلم أولادي أفضل حاجة».
ووجهت السيدة آمال عبد لله الشكر إلى الرئيس السيسي «أنا بشكر سيادة الرئيس، ربنا يخليك يا سيادة الرئيس بتسمع دعوة الغلبان قبل الشبعان، ربنا رازقنا برئيس بيراعي ربنا فينا».
كما وجهت ابنتها الشكر إلى الرئيس السيسي «مش عايزة حاجة غير أني ماما تتعالج بس، شكرا يا ريس».
