مُسن يفترش الأرض لبيع المناديل بالدقهلية: الأمطار بهدلتني ونفسي في معاش أصرف بيه على بناتي
يجلس مسن يبلغ من العمر 84 عامًا علي رصيف بأحد شوارع مركز بلقاس في محافظة الدقهلية، لبيع المناديل الورقية للمارة، حتي يحصل علي قوت يومه هو وأسرته المكونة من زوجة وبنتين.
مُسن يفترش الأرض لبيع المناديل بالدقهلية
وقد التقي القاهرة 24 مع المسن ويدعي عم عبده ويبلغ من العمر 84 عامًا، ومقيم بمركز بلقاس في محافظة الدقهلية.
وقال عم عبده لـ القاهرة 24: أجلس يوميًا علي الرصيف لبيع المناديل، من الساعة السابعة صباحًا حتي الساعة 9 مساءًا، لأني رب أسرة ومطالب بمصاريف كثيرة، وأنا مريض وبتحرك بصعوبة بسب تجلطات علي قدمي اليسري، وصعب أشتغل شغل فيه حركة، أنا أسرتي مكونة من زوجة مريضة وبتحتاج إلي علاج بحوالي 500 جنيه شهريًا، وعندي بنتين الأولي في ثانوي ومحتاجة مصاريف دروس، والثانية في 2 إعدادي.
وأضاف: أنا بجلس في الشارع وبتعرض للتنمر من بعض الأشخاص لأنهم بيعتقدوا إني بشحت، ولكن أنا بشتغل وفي بعض الأشخاص بتساعدني وتراضيني، أنا بنزل حتي لو في شتاء والشتاء بيبهدلني ولكن لازم أتحمل لأنه أكل عيشي.
وتابع: أنا مريض سكر وضغط وعندي تجلطات علي رجلي، وعايش في شقة إيجارها 800 جنيه، وأنا مكسبي اليومي مابين 25 إلي 30 جنيه، ومش عارف أعمل أيه والحياة صعبة.
وختم: أنا نفسي في مسكن ومعاش أقدر اصرف علي بناتي منه، وحاولت أعمل معاش تكافل ولكن معرفتش.
