بسبب مطرب آخر..علي الحجار يكشف حقيقة الخلاف بينه وبين محمد الحلو
تحدث الفنان علي الحجار عن علاقة الصداقة الكبيرة، التي تجمعه بالفنان محمد الحلو، وأكد أنهما متفاهمان على الدوام، ولم يختلفا سوى مرة واحدة.
وكشف علي الحجار خلال لقائه مع أمير كرارة، في برنامج سهرانين على قناة ON، بحضور الفنان محمد الحلو، عن حقيقة خلافه مع محمد الحلو؛ بسبب مطرب آخر ألح على الحجار في تقديم أغنية بلادي أنا ابنك، لكن محمد الحلو كان رافضا لذلك بشدة.
وتابع الحجار: اكتشفنا بالصدفة أن الملحن باعها لنا إحنا الاثنين من ورا بعض، فبقت بتاعتنا سوا، وبقينا بنغنيها سوا في مكان ما، لكن كان في مطرب تالت نفسه يغنيها معانا وكل يوم يطلب مني ده.
وأضاف الحجار: المطرب ده كان كل يوم يقولي عاوز أغنيها معاكم، لكن محمد الحلو بيرفض وبيقولي هيبوظ الأغنية، وأنا أقوله الراجل بيتحايل عليا، لكن هو يقولي نوع الغناء واللحن دا مش لايق على خامة صوته، المهم فضلت اتحايل عليه لحد ما وافق، وفعلا المطرب ده معرفش يقدمها صح، فقالي شوفت مش قولتلك هيبوظها.. هضربكم أنتم الاتنين.. ومحمد إيده طويلة عموما.
علي الحجار ومحمد الحلو
والجدير بالذكر، علي الحجار ومحمد الحلو تعاونا سابقا في غناء تتر مسلسل خان قنديل عام 2003 من بطولة صفية العمري، وعزت العلايلي، وإخراج إبراهيم الشوادي، وتأليف أحمد الزناري، وتعاونا أيضا في إحياء حفل دار الأوبرا عام 2007 مع محمد منير.
