السيسي: تخفيض تكلفة حجز المناطق الصناعية من 57 ألف جنيه لـ 10 آلاف | فيديو
قال الرئيس عبد الفتاح السيسي، إن الـ 13 مجمعا صناعيا الجديدة في الصعيد، بلغت تكلفة إنشائها 10 مليارات جنيه.
وتابع خلال افتتاح عدد من المشروعات التنموية في قنا اليوم: إذا وضعت هذه الأموال في البنك، هتجيب مليار جنيه، والـ10 آلاف جنيه الرسوم التي يتم دفعها لحجز الوحدات الصناعية، كانت 57 ألف جنيه، وهذا يخفض إيرادات الدولة، لكننا عايزين نساعد الناس اللي عايزة تشتغل.
ووجه الرئيس السيسي بإجراء تقييم لـ 800 ألف مشروع، وحجم المنشآت التي تم العمل بها في المناطق الصناعية، حتى يكون هناك تنسيق جيد بين المحافظ والحكومة لإيجاد الحلول.
تطوير المناطق الصناعية
وتوجه الرئيس السيسي بالشكر للحكومة ووزيرة التجارة والصناعة نيفين جامع، مؤكدا أن عملية التطوير والتحديث لن تنتهي، وسيتواصل تقديم الدعم الفني عبر المدارس والمنشآت الحكومية بالتنسيق بين المحافظة والوزارات.
كذلك وجه الرئيس السيسي، بتحسين عملية التوصيل والمواصلات في المناطق الصناعية، في كل المحافظات.
وقال الرئيس إن الدولة تقوم بتوفير كافة متطلبات الاستثمار، لاختصار الوقت في التنمية والتيسير على المستثمرين.
أكد الرئيس: كل يوم بلاقي مصانع دون تراخيص، ويتم تحرير محاضر لها، لكن هذه المصانع بها ناس عايزة تشتغل، طيب ما أنا أشرعنه وأخليه مظبوط، والقضية بتتعمل عشان هو مخالف، وأقول له تعالى اعمل الصح.
وتابع السيسي: لو انتوا عندكم مصانع في القاهرة، طيب ايه أقرب منطقة صناعية ليها، وممكن أقوله تعالى خش المكان ده وأقنن له وضعه ويشتغل ويفتتح مصانع، أنا مش عايز أستجدي ضرايب ومش عايز حد مننا يغلط ومش بنتصيد الغلط، وبقول للمستثمر أنت حاولت، حتى لو حاولت غلط إحنا معاك، لكن مش معاك تعمل غلط.
