غادة عادل: اعتذرت عن أفلام كثيرة مهمة بسبب غيرة مجدي الهواري
قالت الفنانة غادة عادل، إن السبب الرئيسي وراء اعتذارها على فيلم شورت وفانلة كاب كان طليقها مجدي الهواري بسيب الغيرة الزيادة.
وأوضحت غادة عادل خلال لقائها في برنامج بصراحة والذي جمعها مع المخرج مجدى الهواري، أنها كانت تعاني من غيرة طليقها بشكل مبالغ فيه، متابعة: من كتر ما كنت بتحبني وبتغير عليّ، كنت بتحدد أعمل إيه ومعملش إيه، حسب ارتياحك النفسي، وده خلاني مطلعش كلاللي جوايا، رغم إن الفترة دي كان بيتعرض عليّ فيها أفلام كبيرة زي شوت وفانلة وكاب.
وأردفت غادة عادل: أنا دلوقتي بدأت أعمل الأفلام اللي نفسي أقدمها، وفي أفلام قدمتها معاك لما بشوفها بقفل التلفزيون لأني مش بحبها.
أعمال ندمت عليها غادة عادل
وفي سياق متصل، أعربت غادة عادل، عن ندمها على بعض الأعمال التي قدمتها منذ بدايتها الفنية، بسبب حصرها في نقطة الفتاة الجميلة الطيبة وعدم استخدام أدواتها كممثلة.
وتابعت غادة عادل: أنت كنت بتعمل عليا حماية زيادة، وكل ما افتكر الأفلام اللى عملتها في تاريخي ببقي عايزة أعيط، لأنك دائما عايزني في شخصية الكيوت والبنت طيبة وأنا ممثلة المفروض أعمل أدوار صعبة لأنى ممثلة، وأنت كنت بتكتم جوايا الجرأة والمشاهد الرومانسية إلا من خلالك.
آخر أعمال مجدي الهواري
تعد مسرحية ياما في الجراب يا حاوي هي آخر أعمال مجدي الهواري الفنية، حيث شارك بإخراجها وإنتاجها، وضمت المسرحية العديد من الفنانين منهم الفنان يحيى الفخراني وكارمن سليمان وسماء إبراهيم ومحمد الشرنوبي وإياد نصار وشريف الدسوقي.
