محمد صبحي: مسرحية المومس الفاضلة أخلاقية.. وأستعد لعرض عيلة اتعملها بلوك | فيديو
تحدث الفنان محمد صبحي عن مسرحية المومس الفاضلة، كما كشف سبب الجدل حولها الفترة السابقة، وتفاصيل مسرحيته القادمة عيلة اتعملها بلوك.
وقال محمد صبحي في لقائه مع الإعلامية إنجي أنور في برنامج مصر جديدة: مسرحية الموسم الفاضلة مسرحية أخلاقية من الدرجة الأولى، واللي قال غير كدا لم يقرأ عن المسرحية أي شيء، والمسرحية لا يوجد بها أي عهر.
وواصل صبحي: الاعتراض كان على لفظ مومس مش على المسرحية نفسها، ومومس لغة عربية فصحى وفيه حديث شريف للرسول عليه السلام موجود فيه كلمة مومس، يعني هي مش كلمة وحشة ولا حاجة ولفظ عادي، أنتوا بتقولوا يا عيني الأطفال هيفهموا أيه.. أنا هشرح للطفل بنفسي، ولو المسرحية فيها حاجه عيب، أنا من أول الناس اللي هرفضها.
واختتم صبحي ساخرا: الناس رافضة لفظ مومس والمسرحية وكأننا كنا زمان لما اتعرضت مش محترمين، ودلوقتي بقينا مؤدبين ورافضين المسرحية ومينفعش نشوف حاجة زي كدا.
مسرحية عيلة اتعملها بلوك
كشف محمد صبحي، مسرحيته الجديدة التي تحمل اسم عيلة اتعملها بلوك، وقال: المسرحية بتتكلم عن شاب في سنة 2127 ولما التكنولوجيا بقت متطورة جدا، والشاب دا عايز يعرف أول نبته في عيلته فبيوصل عن طريق شاشة حديثة، وفعلا وصل لأول نبته سنة 1927، وبيبدأ الشاب يشوف أسرته عاشت كل الأحداث في مصر أزاي وكل الزعماء، والدنيا كان شكلها أيه والفن والسلوك والعادات والاقتصاد في الوقت دا.
