السيسي: عايزين نغنى الناس.. مش تاخد دعم كل شوية وخلاص وما ننهضش
قال الرئيس عبدالفتاح السيسي، رئيس الجمهورية، إن المواطن قاوم فكرة مراكز تجميع الألبان في بدايتها بالرغم من فائدته.
وأردف الرئيس عبدالفتاح السيسي، رئيس الجمهورية، خلال كلمته منذ قليل، أثناء تفقده مصنع اليوريا ونترات الأمونيا بمنطقة كيما بمحافظة أسوان، وتدشينه الوحدات المتحركة الجديدة بمحطة سكك حديد أسوان: عاوزين نغني الناس مش الناس تاخد دعم كل شوية وخلاص ومننهضش.. أوعوا تفتكروا رقم الـ 62 مليار تكلفة فروق الفوائد لدعم المشروعات اتحط من غير تكلفة على الدولة، لما جينا نعمل الفكرة الناس قاومتنا رغم إن المصلحة في الجنب التاني، أنا بدخلك في نظام مش محلي بدخلك كمنتج، وبقدر أقول إن حجم الفاقد تقل وجدارة المنتج تزيد، كان عندنا الف مركز، وبدأنا بـ 200 واصبح لدينا 160..الجاموس بتاعنا أتاخد لدولة عملتله تعديل وراثي، كان بيطلع 6 كيلو لبن عملته 25 كيلو لبن.. طيب إحنا مش قادرين نخلي الجاموس مع الناس، أوزع من ده وادفع دعم لده.. أيوه..ليه؟ لأن أنا هغير حياتك كنت هتطلع 5 كيلو دلوقتي 25.
كما أشار السيسي، إلى عام 2011، خلال حديثه، مؤكدًا أنه لن ينسى ما حدث في عام 2011، وما ترتب عليه من أحداث، مطالبًا المصريين أيضًا بعدم نسيان ما حدث في 2011، مردفًا: اللي أنقذكم ربنا من مصائر الخراب والدمار ولن نكرر نفس المسار.. مش عايزين نرجع تاني للخراب.
وصرح السفير بسام راضي المتحدث الرسمي باسم رئاسة الجمهورية، بأن الرئيس عبد الفتاح السيسي، سيقوم بتفقد مصنع اليوريا ونترات الأمونيا بمنطقة كيما بمحافظة أسوان، اليوم، كما سيقوم أيضًا بتفقد محطة سكك حديد أسوان، حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.
وجدير بالذكر، أن الرئيس عبدالفتاح السيسي، افتتح أمس الاثنين 5 مشروعات قومية واستراتيجية بقطاع الكهرباء والطاقة المتجددة بمحافظات صعيد مصر، في مقدمتها مشروع مجمع بنبان للطاقة الشمسية أكبر مجمع محطات لتوليد الكهرباء النظيفة في الشرق الأوسط، والذي تم إنشاؤه بالشراكة مع القطاع الخاص والخبرات الدولية المتخصصة، ويعد أحد أهم مشاريع البنية التحتية في مصر لتوليد الكهرباء من الطاقة الجديدة والمتجددة.
