طالبة تضع لزميلتها الهيروين في العصير حتي أصبحت مُدمنة بالدقهلية.. والفتاة بعت عفش بيتنا بسب المخدرات ونفسي أتعالج
قادت صديقة سوء فتاة تبلغ من العمر 20عامًا، إلي طريق الإدمان، بوضعها مخدر الهيروين في العصير في البداية، وبعد ذلك أصبحت تبيع عفش منزلها حتي تحصل علي المخدر.
فتاة تضع الهيروين في العصير لصديقتها بالدقهلية
وقد التقي القاهرة 24 بالفتاة بسمة سعد، 20 سنة، مقيمة بمركز الجمالية في محافظة الدقهلية وروت تفاصيل استدراجها إلى إدمان الهيروين.
وقالت بسمة خلال لقائها مع القاهرة 24: أنا كنت متفوقة في المرحلة الثانوية، وكنت أرتدي الخمار، فصديقتي في الدراسة غارت مني فقامت بوضع مخدر الهيروين في العصير دون علمي أكثر من مرة، وبقيت أروح لصاحبتي وأقولها إني عاوزة من اللي كانت بتدهوني ده، وسألتها هي كانت بتديني إيه، وكنت بفضل أعيط لها لحد ما عرفت وتأكدت إنها كانت بتحط لي الهيروين وهي قالتلي كده، بس اتأكدت أكتر لما كانت بتتعاطى قدامي، واكتشفت الأمر بعد شعوري بآلآم في جسمي.
وأضافت بسمة: ظهرت بعد التغيرات علي شكلي وتصرفاتي وشكلي أتغير وظهرت علامات الإدمان، أصبحت اذهب إلي صديقتي بشكل يومي لتعطني المخدر ولكن بتقولي هاتيلي فلوس، فبدأت أطلب من والدتي فلوس علي أنها فلوس دراسة ولكن كنت بشرب بيها مخدرات.
وتابعت: حاولت أتعالج أكثر من مرة ولكن كنت بفشل، ودائما بطلب فلوس من الدتي، ولو رفضت كنت بزعق لها واضربها، ووصل الحال إن بيعت كل عفش الشقة علشان أقدر أجيب مخدرات.
وختمت: أنا نفسي أتعالج وأعيش حياة طبيعية، وأرجع للكلية، أنا تعبت.
