المنتج ريمون رمسيس: ياريت نلغي الرقابة في مصر لأنها ملهاش لازمة
كشف المنتج ريمون رمسيس، رأيه في قرار إلغاء الرقابة على الأفلام السينمائية، الذي أعلنته دولة الإمارات العربية مؤخرًا.
وقال المنتج ريمون رمسيس في تصريح خاص لـ القاهرة 24: قرار إلغاء الرقابة في الإمارات هايل ومحترم، وياريت يتطبق عندنا في مصر، ومفيش مشكلة يشيلوا الرقابة في مصر، ملهاش لازمة.
وتابع: لازم إحنا نكون الرقباء على روحنا ونكون عارفين إحنا بنقدم إيه، مع إحترامي لكل رقيب ولكل الناس بس ليه ميكونش عندنا الموضوع، المفروض دلوقتي يكون فيه رقابة من الأهل على أولادهم، أنا مش دوري أن أمنع الناس إنها تتفرج لكن دوري ك ولي امر ان منع ابني اوبنتي على المشاهدة لو الفيلم مش مناسب ليهم، فأنا كولي أمر قادر أخد القرار دا.
واستكمل ريمون رمسيس حديثه: تطبق في مصر القرار، بالفعل فكيف سيستقبله الناس قائلًا: طبعًا هيكون فيه انتقادات للموضوع يعني مثلا عندنا فيلم زي عبده موته أو أي فيلم بيقدموا قصة الفتوات، هو بيقدم شريحة معينة في المجتمع من حقي أشوفها أو مشوفهاش لكن مدخلش ولد عنده 16 سنة يشوف محمد رمضان بيضرب بالمطوة أو السكينة وابني بقى بلطجي، طيب أنا فين دوري كـ ولي أمر فـ أنا من حقي أتفرج على أنا عايزه وداعم للقرار جدًا.
أخر أعمال ريمون رمسيس الإنتاجية
كشف المنتج ريمون رمسيس عن تحضيراته لفيلم جديد وهو من فوق برج إيفل بطولة النجمة هيفاء وهبي، والذي يتم تصويره حاليًا تصوير في مدينة باريس.
طاقم العمل
من فوق برج إيفل بطولة هيفاء وهبي، حمدي الميرغني، محمد ثروت، مصطفي خاطر، محمد أسامة أوس أوس، محمود حافظ، ومحمد سلام، إنتاج ريمون رمسيس وإخراجوإنتاج أحمد خالد موسى.
