آدم شرقاوي: عشت أحداث فيلم عسل أسود في الحقيقة
حل الفنان آدم الشرقاوي ضيفا على الإعلامية منى الشاذلي، في برنامجها معكم منى الشاذلي، تحدث أدم عن رحلته في تعلم اللغة العربية، بجانب نجاحه في مسلسل لعبة نيوتن.
وقال آدم الشرقاوي: أنا مكنتش بتكلم عربي خالص، بس هما كانوا عايزين يتعلموا إنجليزي وكانوا بيقللوا العربي، ومكنتش فيه حد بيتكلم عربي حواليا، وعشان كدا لغتي العربية كانت ضعيفة، وولاد عمي لما كنت بنزلهم في كفر الشيخ عارفين أني بتكلم إنجليزي،وعشان كدا كانوا بيستخدموا جمل بسيطة معايا.
وأضاف آدم: وشوية وولاد عمي يتريقوا على العربي بتاعي، وأنا برضو كنت بتريق على الإنجليزي بتاعهم وعادي.
وأشار آدم في حديثه عن فيلم عسل أسود قائلا: أنا عارف الفيلم ده وعشته كمان، خاصة أول مشهد لما كان مع السواق في العربية والسواق قاله خلي الفلوس حسيت بيه أوي في اللحظة دي، اللي هو أزاي مدفعش يعني ولا أيه، وكمان مشهد لما كان بيبدل الدولار ومش فاهم لأن أنا لما نزلت مكنتش فاهم هصرف فلوس أزاي.
مسلسل لعبة نيوتن
والجدير بالذكر، يمثل مسلسل لعبة نيوتن نقطة فارقة في مسيرة آدم الشرقاوي الفنية، وذلك بعد النجاح الغير متوقع الذي حققه في المسلسل، وشارك العديد من الفنانين في لعبة نيوتن، منهم منى زكي، محمد ممدوح، محمد فراج، مايان السيد، عائشة بن أحمد، وسيد رجب، والمسلسل من إخراج وتأليف تامر محسن.
