سما المصري: الطفل المصري لم يجد من يحنوا عليه (صورة)
علقت سما المصري على القضية التي عرفت إعلاميًا بقضية طفل البلكونة التي أثارت الجدل منذ انتشار الفيديو بالأمس، ولكن بطريقتها الخاصة كالعادة حيث بررت موقف الأم على عكس الجميع.
ونشرت المصري صورة من المقطع وقالت: “لا تعاتبوا الأم بل عاتبوا المجتمع، الأم دي في زيها الآلاف بل الملايين في مصر…. دي صوره طفل البلكونه اللي حاولت أمه على غير قصد انها ترميه عشان يدخل بلكونه الجيران يجيب مفتاح الشقه لأنه نسيه جوه الشقه.. دي مش اول حادثه بالشكل دا..؟”.
وأضافت: “الأقاليم والصعيد والأماكن الشعبية مليانه أمهات بالشكل دا عارفين ليه لأن حق الطفل المصري ضايع ومش لاقي اللي يحنو عليه، ياترى المجلس القومي للامومه والطفوله اللى جرى وعمل بلاغ في ام الواد نص الليل ماشافش اطفال الشوارع اللي مرميين تحت الكباري؟، ولا مابيشوفوش الاطفال اللي بيشحتوا في اشارات المرور؟، اشمعن يعني مشهد الطفل دا اللي حركوا اوي كده؟، عشان انتشر ع الفيس؟”.
واختتمت كلمتها قائلة: “قوموا من على كراسيكم يا ساده وشوفوا شغلكم وانزلوا الشارع هاتوا حق الطفل المصري المشرد البردان في الشارع مش شاطرين تقعدوا ع الكراسي و تستنوا الفيديوهات تنزل ع الفيس عشان تتحركوا راعوا ربنا في أطفال البلد دي حاسبوا أنفسكم قبل أن تحاسبوا الست دي، راعوا ربنا في مرتبكم اللي بياخدوه”.
