لميس الحديدي عن تأخر قطار القاهرة أسوان: قعد 36 ساعة في الطريق.. هل ده طبيعي؟
علقت الإعلامية لميس الحديدي على واقعة تأخر القطارات بسبب موجة الأمطار وبيان هيئة السكة الحديد حول الاعتذار قائلة: الهيئة قالت لازم القطارات تمشي بسرعة أقل تجنبًا للأمطار وما عنديش مشكلة عشان سلامة الناس لكن أنا عندي تعقيب واحد بس يخص قطار واحد وهو القاهرة أسوان رقم 997.
وقالت الإعلامية لميس الحديدي، ببرنامج كلمة أخيرة، عبر فضائية "ON"، مساء اليوم الأحد: القطر قعد 36 ساعة واتأخر عن معاده 24 ساعة والناس معرفتش تاخد أي وسيلة مواصلات تاني بسبب الطقس، وكان القطر بيقف في كل قرية ساعتين.
هل ده طبيعي؟
وتابعت مقدمة "كلمة أخيرة": كان فيه مشكلة مركبة بخلاف الأمطار إنه القطر طلع بالليل يوم الجمعة وكان المفروض يوصل الجيزة الساعة 9 أو 10 الصبح. وهو قطر النوم. لكن وصل 9:45 النهاردة. هل ده طبيعي؟.
واصلت الإعلامية لميس الحديدي: 36 ساعة ! إزاي بقى دوول الطبيعي 12 ممكن يزيدوا شوية لكن ده فوق الضعف، متابعة: القطار مكنش بيقف ومية الحمامات خلصت والأكل خلص ومجلهمش أي معونة أو مساعدة القطار مشي.. معنديش مشكلة تحصل أزمة.. لكن المشكلة في إدارة الأزمة، ودي سمعة القطارات والسكك الحديد المصرية.
وتابعت الإعلامية لميس الحديدي: بره ممكن تتعطل القطارات وده عادي كمن الأكل والشرب يخلصوا ودورات المياه ما فيهاش مية ده أمر طارئ ساعدوا الناس 36 ساعة كتير!.
