هاشتاج حق بسنت خالد لازم يرجع يتصدر تريند تويتر
تصدر هاشتاج حق بسنت لازم يرجع؛ تريند تويتر، بعد ساعات من إعلان وفاتها منتحرة، نتيجة الضغط النفسي؛ التي تعرضت له من قبل عائلتها، بعدما انتشر لها صورا مُفبركة، بهدف الابتزاز الإلكتروني، وسرعان ما انتشرت واقعة بسنت بسرعة البرق، حتى أطلق رواد مواقع التواصل الاجتماعي هاشتاجا، مُطالبين بحقها.
رواد مواقع التواصل يطالبون بحق بسنت
وقال حساب على تويتر: هناك قصة حزينة عن فتاة تبلغ من العمر 17 عاما واسمها بسنت؛ تعرضت للمضايقة والتهديد بنشر صورها على الإنترنت، ولمذ تتحمل وقررت الانتحار، وهذه رسالتها قبل انتحارها: قلبها المكسور... حق_بسنت_خالد_لازم_يرجع.
بينما كتب حساب باسم سونا محمد: حتى لو أي بنت بعتت صور ليها في لحظة عدم وعي أو تحت تأثير الحب.. إللي بيغلط مش من حقه يتوب افرضوا تابت ورجعت لربنا.. الشباب بيغلط أكثر وبيستمر في الغلط ومحدش بيتكلم عليهم.. لما بنت تغلط وتتوب يعلقوا ليها المشنقة ويخوضوا في عرضها.. الله يرحمها ماتت نتيجة مجتمع مريض #حق_بسنت_خالد_لازم_يرجع.
تضامن مستخدمي السوشيال ميديا
كما علّق عبد الحميد أحمد، قائلا: الله يرحمها حقها هيرجع لما الأهل يعرفوا أنهم ظلموا بنتهم، ولما يكونوا سند لها وسمعوا كلام الغريب ومصدقوش بنتهم حقها هيرجع.. لما اللي نشر الصور يتعاقب، ولكن الأهم لما أهلها يعرفوا إنهم السبب بعدم مُساندتهم لبنتهم، ربنا يرحمها #حق_بسنت_خالد_لازم_يرجع.
فيما قال آخر: حق بسنت مش عند اللي نشر وبس، حق بسنت عند أبوها وأمها وأهل قريتها والمجتمع كله اللي بيمارس وصاية غير مُبررة على أفعال غيره، وبيسكت لما تتمارس قدامه..#حق_بسنت_خالد_لازم_يرجع.
وكتب مصطفى: أهلها لو بس كانو قاموا بدورهم ودافعوا عنها واحتووها ووفورولها الحماية؛ كان زمانها موجوده وسطنا والمجرم اتحاسب، بس اللي حصل إن المجرم عايش حر، والضحية هي اللي ماتت.. كل الضحايا اللي مرو بنفس تجربة بسنت هما مقتولين بـ إيد أهاليهم والمجتمع مش منتحرين.. #حق_بسنت_خالد_لازم_يرجع.
