مايا دياب: أتمنى تجسيد قصة حياة داليدا..ومحتاجين جنسية ثانية في لبنان

تحدثت الفنانة مايا دياب، عن الأزمة التي تمر بها بلدها لبنان، بجانب الحديث عن رغبتها في تجسيد قصة حياة الراحلة داليدا.

وقالت مايا دياب خلال لقائها في برنامج بصراحة مع برفقة نيللي كريم: أنا مكنتش مطيعة وكنت بكدب كتير على أهلي وكنت بعمل اللي عايزاه ومحبش حد يجبرني على حاجة، والرفض وكلمة لا بيضايقوني، وعشان كدا كنت بكدب كتير وأهلي كمان مكنوش بيدوني الحرية أني أعيش براحتي، ودلوقتي بعمل العكس مع بنتي وبخلي فيه ثقة بيننا وصراحة وبسيبها براحتها.

وواصلت: كان حلمي أطلع على التلفزيون وأبقى مشهورة وخلاص، معرفش هعمل أيه بس كنت عايزة وبحلم أكون على التلفزيون وبس، وكنت بتخيل نفسي دايما على التلفزيون، وأنا في الجامعة بدأت الطريق بدري ودا فادني جدا، ونفسي أعمل قصة فيلم عن حياة فنانة مشهورة، مثل داليدا لأني بحبها جدا.

واختتمت مايا، قائلة: وأحنا كلبنانيين محتاجين جنسية تانية عشان نكمل حياتنا بس بردو لبنان بلدي وبفتخر بيها ومش همشي ولا هسيبها. 

آخر أعمال مايا دياب

والجدير بالذكر، تعيش مايا دياب حالة من النشاط الفني، حيث طرحت مايا دياب أغنية تحمل اسم أحلى كلام، من تأليف وألحان، ونالت الأغنية إعجاب الملايين وكسرت حاجز ال 5 مليون مشاهدة منذ طرحها على موقع الفيديوهات يوتيوب.

وكلمات الأغنية كالتالي: أحلى كلام في الدنيا كان بيقوله ليا، عمره ما حسسني في لحظة إنّي عادية، وعشان كدا مبقتش قادرة استغنى عنه، وياه بيحس كل اللي أنا حساه، عيّشني جنبه أحلى حياة، في دنيا تانية أنا معرفهاش، وعمره ما حسسني أني عادية…أحلى كلام.

 وطرحت مايا أيضا آخر فيديو كليب لها ويحمل اسم أكتر شوية، من تأليف وألحان عزيز الشافعي، وإخراج جاد شويري، ونال الفيديو كليب إعجاب الجمهور، حيث كسر حاجز ال900 ألف مشاهدة منذ طرحه على موقع الفيديوهات يوتيوب من 11 يوما.

وجاءت كلمات الأغنية كالتالي: أكتر شوية وأهتم بيا، أكتر شوية وأسأل عليا، قدر تتقدر تتغندر تتمنظر، تأمر تتأمر دلع تتدلع، تتظبط تتشرط تحكم وتقرر، تاخد عنيا أكتر شوية.